РЕСПУБЛИКАА ХОЗА АХЧА
06.07.2018
Хабарлар
Бюджет. Пу кӱннерде Хакасиязар транштың ікінҷі чардығы - 3 миллиард 150 миллион салковай - кірді.
Ол ахчаның 2 миллиард 678 миллион салковайы республика бюджедіне кірер, 472 миллион салковай - Ағбан город бюджедіне.
Республика бюджедіне кірген ахчадаң 166 миллион салковай муниципальнай пӱдістерге ызылар. Ол санда 78 миллион салковай 2017 чылның ӧдістерін чабарына парар: чол хониина - 56 миллион салковай, хысхызына тимненеріне - 22 миллион салковай. Халған 88 миллион салковай - чал ахчазын тӧлиріне. 100 миллион салковай республиканың аал хониина пирілче.
Кірген налогтың килкім чардығы, 1 миллиард 280 миллион салковай, тузында ӧдістерні чабарына парар, ол санда чол хониина, имнер пиреріне, коммунальнай полызығларға, палғалыс полызығларына, тимір чолҷа паза самолёттығ чӧрістерге, ідӧк Пенсия паза Соцстрах чыындыларына. 426 миллион салковай чал ахчазын, отпуск ахчазын тӧлиріне паза социальнай тӧлеглерге парыбызар.
Чоохтирға кирек, Хакасия пазы Виктор Зимин «Коулстар» ООО-наң, Майрыхтағы разрезтің наа ээзінең, тоғыныбысхан сылтаанда, «Коулстарның» пір тӧстегҷізі олаңай кізі чіли 2017 чылға парыстарын кӧзіт пирген, хайзынаң налогтар Хакасияның паза Ағбан городтың бюджеттеріне кірерлер. Олаңай кізінің тиксі парызынаң налог сині 5 миллиард 150 миллион салковайға тиңнелче. Россияның Бюджет Кодексі хоостыра ол ахчаның 85 % алай 4 миллиард 400 миллион салковай республика бюджедіне кірер, 15 % алай 700 миллион салковай - Ағбан городтың бюджедіне.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы