МИНІҢ ЧАЙААЧЫ ЧОНЫМ
23.11.2018
Хабарлар
Тархыннығ сом. Кемнер анда паза хайда олар суурынғаннар?
Чоғархы Асхыс аал ӱлӱкӱні чағдапчатхан. Ӱгретчілер ӧмезі ағаа тимнен сыххан. Зинаида Никифоровна Пакачакова тидір: «Аал индіре ӧтіг ӱнніг ипчілер илееде. Оларны хығырып аларға чарир». Анаң индіркідегілерге чоғархыдағылар хозылғаннар. Улуғ ӧме пол парған.
«Ах хазың», «Іӌенің часказы» сарыннар ол туста наа ла толдырылчатхан полғаннар. Пётр Фёдорович Сунчугашев пісті оларны сарнирға ідӧк наа ла ӱгредіп пастаан.
Чахсы тимненіп алып, чон алнына сыххабыс. Хакас кӧгенектерін кизіп алғабыс. Чазыдағы ӧңніг чахайахтарға тӧӧй полғабыс. Клубха чон тығырама.
Анаң пістің пу ӧмебістеңер хабар Ағбанзар читкен. Пісті телевидениезер хығырғаннар, «Пір аалның кізілері» передача тимнееннер. Чоғархы Асхыс аал чӧбінің кнезі Галина Евсеевна Таскаракова хада чӧрген. Пу сом телевидение студиязында суурылған.
Амды сомдағы кізілерні адағлап пирим. Сол саринаң пастағы рядта одырчалар: Зинаида Никифоровна Пакачакова, Алиса Егоровна Угдыжекова, Евдокия Михайловна Сунчугашева, Варвара Иосифовна Толмашова, Фёкла Владимировна Чочиева, Мария Очиновна Сунчугашева, Мария Петровна Килижекова, Манефа Николаевна Толмашова, Татьяна Павловна Толмашова, Екатерина Кирилловна Угдыжекова, Екатерина Павловна Толмашова.
Сол саринаң ікінӌі рядта турчалар: Екатерина Даниловна Сербигешева, Галина Евсеевна Таскаракова, Никифор Алагашев, Нина Васильевна Сунчугашева, Ксения Константиновна Сунчугашева, Мария Петровна Толмашова, Евдокия Демидовна Доброва, Галина Константиновна Сунчугашева, Вера Андреевна Кабаева, Аграфена Алексеевна Майнагашева, Степан Сидорович Сунчугашев, Филипп Гордеевич Мамышев, Пётр Фёдорович Сунчугашев.
Амды, пу сомны кӧріп, тың хомзынчам. Пӱӱнгі кӱнде пу чонның аразында піс тӧртӧлең не изен-хазыхпыс.
Автор :
Екатерина СЕРБИГЕШЕВА, тынағдағы ӱгретчі
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы