ЧИҢІСЧІ ПРОЕКТТЕР ЧУРТАСХА КИРІЛЧЕ
11.12.2018
Хабарлар
Хакасияның национальнай паза территориальнай политика министерствозы аалларда социальнай проекттер чуртасха кирілчеткенін сыныхтағда тутча.
Республика правительствозы муниципалитеттерге полызығ пирер пӧгіннең аалларға тузалығ проекттер мариин иртірген. Іди Хакасияда 29 аалда культура туралары нааҷылалғаннар, тахталар, олған площадкалары, спортнаң айғасчаң стадионнар, саналығ чылңан чол, музей пӱдірілгеннер, тынағ парктары, хумартхы тастар иптелгеннер. Марығ сыйыхтарына тиксі 10 миллион салковай позыдылған.
Амды Хакасияның национальнай паза территориальнай политика министерствозы ол проекттер чуртасха кирілчеткенін сыныхтағда тутча. Ӱр ниместе министерство тоғынҷылары Алтай аймааның Аршаннар паза Пии аймааның Алахтайлар аалларында пол килгеннер.
Аршаннар аал чӧбі, марығда чиңіс тудып, республика бюджедінең 450 муң салковай алған. Ол ахчаа Аршаннардағы культура туразы хыринда сигіс пулуңнығ тадар иб пӱдірілген. Анда аал чуртағҷылары этнокультурнай кін тӧстирге пӧгінчелер. Алахтайлар аал чӧбі, тізең, позының номинациязында «Авангард» спорт комплексі» проектнең ӱзінҷі орынға турысхан. Аны пӱдіреріне 200 муң салковай пирілген. Амды аалдағы спорт комплексінде аймах марығлар иртіріл турар.
Автор :
Светлана АСТАНАЕВА
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде