СМИ - ОЛ ПОС АЛЫНҶА КӰС
15.01.2019
Хабарлар
Печать кӱні. Республика пазы Валентин Коновалов Хакасияның хабарҷыларын ӱлӱкӱннең алғыстаан Россияның печать кӱні алнында Хакасияның пазы республикадағы хабарлар таратчаң средстволар устағчыларынаң тоғасхан. Валентин Коновалов журналист ӧмелеріне паза профессия ветераннарына, тоғыс ӱчӱн алғызын читіріп, пик хазых, оң поларын паза иң сын искіріглернең тузаланарын алғаан.
13 январь СМИ тоғынҷыларына алынҷа ӱлӱкӱн полча. Официально ол Россияның печать кӱні адалчатса даа, аны печать изданиелерінің хабарҷылары ла нимес, ідӧк теле-, радиокомпанияларның паза Интернет изданиелерінің журналисттері таныхтапчалар.
Тоғазығда Хакасиядағы хазна паза муниципальнай СМИ-ларның устағҷылары араласханнар. Валентин Коновалов пасталыбысхан 2019 чыл «Саянские ведомости» газетаның ӧмезіне пайрамнығ чыл поларын таныхтаан, газетаа пӱӱл 20 чыл толар, ідӧк «Сельская правда» газетаа 75 чыл толар, ГТРК телевидениезіне - 60 чыл.
Ол танығлығ кӱннер СМИ кирексіністе полчатханын паза чуртапчатханын кӧзітче, - таныхтаан Валентин Коновалов. - Минің кӧрізімнең, СМИ амғы чуртаста - ол пос алынҷа сын кӱс, хайзы хайдағ даа пӧгіннерні толдыр полар паза хазна синіндегі чарадығларға теел полар оңдайлығ.
Журналисттернің материаллары тӱзімніг поларына кӧбізінде Россияның амғы законодательствозы хабасча, иң пастап Россия Федерациязының Конституциязы, хайзы пос чоохтанарына гарантия пирче паза цензураны чаратпинча. Олох туста Валентин Коновалов журналисттерні істіндегі цензурадаңар, профессияа турыстыра тудынар тилекейдегі стандарттардаңар, ундубасха хығырған. Хакасияның пазы позы саринаң ол чоохтазыға хаҷан даа азых полчатханын таныхтаан.
- Тоғыста сын полары, чарадығларны аларында паза кӱннің сай апарҷаң тоғыста азых полары, чуртағҷыларнаң паза халых чоннаң палғалыс тудары - мындағ пӧгіннер турғысчам мин Хакасия правительствозы алнында. Че анзы таныхтабинча мин паза министрлер телевизор экраннарынаң сыхпин турарбысты. Прай ниме синінде паза кирексініс хоостыра поларға кирек, - теен Валентин Коновалов.
Хакасияның журналисттер пірігізінің кнезі Ольга Ширковецнең хада, хайзы коллегаларын ідӧк чылығ алғыстаан, Валентин Коновалов муниципальнай СМИ-ларның иң турыстығ тоғынҷыларына Аарластығ пічіктер читірген.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы