«ХАКАС ЧИРІ» АДЫ АЙЛАНЗЫН
15.01.2019
Хабарлар
Ӱндезіг. Газетабыстың ады пір ле хати алыспаан. Мин аны, аның ады «Ленин чолы» полғаңда, хығырып пастаам.
Школада ӱгренчеткендӧк, «Тас Оолахха» чооғыҷахтар, кибелістер ысчаңмын. Ол тустаңох пос тілінең сыхчатхан газетабыс чӱрееме пик сиип парған. Ам аны алыстырардаңар чоох парчатханда, иргіӧк адын - «Хакас чирін» - артыс салардаңар кӧп хығырығчының кӧңнінең чарасчам.
«Хабар» сӧс хакастарни нимес - арабтарни. Хомзынысха, газетабысха удаа чапсых, хынығ статьялар пасчатхан ветераннарыбыс асхынах халды. Олох туста хайзы ааллардаң (Катанов, Ис пилтірі, Пыдырах, Ӱс чул, Индіркі Тӧӧ паза даа пасхазынаң) кічіг хабарҷылар «Хола пырғыҷахнаң» хынып нанҷыласчатханнары ӧріндірче. Кӧп пала тӧреен тілін пілбинче, чоохтаспинча. Мында іҷе-пабаларын на пыролирға халча. Школаларда даа пу сурыға хайығ салыл турзын. Хакас тілі ӱгретчілеріне мында хатығ чухча. Чоохтазарға даа ӱгрет салҷаң ползалар, алнынзар хаалағ поларчых. Пос тілін пілбин, улуғлан парған кізілер хомзынчатханнаңар чоохтанчатханнарын истерге киліс парча. Позыбыстың республикабыс пар, хакас тілі, орыс тілі хазна тіллеріне саналчалар.
Прай мында кӧдірілген сурығлар ӧменең пӧгіліп одырзалар, газетабыс тиражы даа ӧзерчік.
Автор :
Михаил ТОРБОСТАЕВ
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы