ӰГРЕДІГ СУРЫҒЛАРЫ ӰЗӰРІЛГЕН
29.01.2019
Хабарлар
Россияның просвещение министрі Ольга ВАСИЛЬЕВА Хакасия пазы Валентин КОНОВАЛОВНАҢ ӱгредіг сурығларын ӱзӱрчелер
Тоғыс чорығы. Хакасия пазы Валентин Коновалов, тоғыс чорығынаң Москвада полып, федеральнай министрлернең тоғасхан.
Ӏди Валентин Коновалов Россияның просвещение министрі Ольга Васильеванаң хада алғым сурығлар ӱзӱргеннер.
Устағҷылар регионда олған садтарында орыннар чидісчеткеннеңер, наа ӱгредіг учреждениелерін пӱдірер пӧгіннердеңер, школа автобустарын алардаңар паза школаларның тоғынар тузынаңар паза пасха сурығлардаңар чоохтасханнар. Тоғазығда ӱзӱрілген сурығлар республикаа уғаа танығлығ.
- Піс федеральнай проекттерде, кӧстегліг программаларда толдыразынаң тоғынарға тимдебіс. Алынҷа чидіглер пар. Хакасияның ӱгредіг паза наука министерствозы федеральнай синде социальнай пӱдіріглер турғызарынҷа программаны маңнаныстығ арачылап алған. Республика правительствозы пу кӧстегҷе тоғысты узарадар, - искірген Хакасия пазы Валентин Коновалов.
Федеральнай министерство устағҷызынаң тоғазығ тӱзімніг ирт парған. Регион пазы паза министр мыннаң мындар хада тоғынарға чӧптес салғаннар. Валентин Коновалов просвещение министрі Ольга Васильеваны тоғысха хабасчатхан ӱчӱн алғыстаан паза Хакасиязар ааллап хығырған.
Автор :
Хакас пазының администрациязы
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде