ӰГРЕТЧІЛЕРНІҢ ЧАЛ АХЧАЗЫ СЫНЫХТАҒДА ТУДЫЛАР
05.02.2019
Хабарлар
МОСКВА. Владимир Путин Россияның просвещение министрі Ольга Васильеванаң тоғасхан. Чоохтазығда школаларда, олған садтарында наа орыннар тӧстир сурығлар ӱзӱрілген, ідӧк ӱгретчілернің чал ахчазынаңар чоох парған. Президент профильліг ведомство устағӌызына ӱгретчілернің чал ахчазын сыныхтағда тударға чахаан.
Ольга Васильеваның искіриинең, Россияда 3 - 7 частығ палаларға школа алнындағы ӱгредіг пирері 100 % чит парир - олған садтарында 118 муң наа орын азылған. Школаларны алза, пӱӱнгі кӱнде 168 муң ӱгренӌее наа орын азылтыр.
«Мин сірердең сурынчам, полған на субъектте ниме полчатханын сыныхтағда тударға. Ӱгретчілернің чал ахчазы регионнарның экономикаӌа ортымах чал ахчазынаң тӧбін полбасха кирек», - чахығ пирген президент министрге.
Автор :
Учительская газета
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы