КӦЛЛЕР ПАЗА ХУЮЛАР - АЙМАХТЫҢ ИС-ПАЙЫ
20.02.2019
Хабарлар
Музей тоғызы. Д.С.Лалетиннің адынаң Шира аймаандағы чир-суғ ӱгренӌең музей 1977 чылда тӧстелген. Анда пурунғы тимір-тис, сӧӧктер паза хуюларда табылған минераллар хайраллалчалар.
ПАСТАҒҶЫ ЛАЛЕТИН
Мының алнында Шира аймаандағы чир-суғ ӱгренҷең музейде поларға киліспеен. Оңдай полғанда, чолда парчадып, андар кір пар килгебіс. XIX чӱс чылда пӱткен улуғ нимес пір хадыллығ иб читі экспозиция залына пӧліл партыр. Ізік иркінін алтазаңох, Шира чиріндегі кӧллернің картазы, аң-хустарның харандылары кӧрігҷіні удурлапчалар. Музейде чыылған пурунғы экспонаттарның саны илееде.
Хакасия аймахтары постарының чир-чайаанынаң паза тархынынаң сала пасхалалча тиирҷікпін. Анзын орындағы музейлернің чыылған ис-пайы киречілепче полар тіп санапчам. Кӧзідімге, тайғалығ Таштып чирінде кӱргенніг чазылар чоғыл. Шира аймааның чазыларын, тізең, кӱргеннер чазапчалар. Оларның кӧбізі хазылған, ученайлар істескеннер. Оларда иргі сӧӧктер паза ідіс-хамыс, чазанҷыхтар табылған. Пурунғы кізілер чуртаан хуюларда даа хайхастығ иргі нимелер кӧп полған. Тоғызаас аал паза Коммунар поселоктың аразынҷа сӧӧлін парыбысхан тағларда ла нинҷе хую пар.
Музейні иргі экспонаттарнаң пайыдарға саблығ ученайлар М.Л.Подольский, Е.Д.Паульс, В.Е.Ларичев паза пасхазы полысханнар. Че пу музейнің тӧстегҷізі Д.С.Лалетин полча. Аймахтағы музей 1977 чылда тӧстелген. Аның пастағы чыындызына ӱгретчі Дмитрий Семёнович ӱгренҷілерінең хада чыған пурунғы нимелер паза минераллар кіргеннер. Орджоникидзе аймаандағы Кӧкінек аалда чурттығ география ӱгретчізі Д.С.Лалетин 1950 - 1960 чылларда істезігліг тоғыснаң айғастыр. Ол пурунғы тастарнаң география уроктарында кӧзідігліг тиріглернең чіли тузаланҷаң.
Совет ӱлгӱзінің пастағы тузындох Кӧл пилтірінең XIX чӱс чылда пӱткен тархын архитектуразына саналған тураны Ширазар кӧзіргеннер. Анда кӧп чыл аймахтағы банк орныххан, соонаң аны музейге пирібіскеннер. Музейнің устағҷызына Дмитрий Лалетин турғызылған.
ХУЮДАҒЫ ЧУРТАСТАҢ ПӰӰНГІ КӰНГЕ ТЕЕРЕ
2017 чылда Шира аймаандағы чир-суғ ӱгренҷең музей пайрамнығ 40 чылын таныхтаан. Пу тус аразына ол экспонаттарға пайып одырған. Аның устағҷылары паза тоғынҷылары алыс турған. Пӱӱнгі кӱнде музейнең Надежда Николаевна Грива устапча. Музейнің методизі Олеся Васильевна Елисеева, пісті чалахай удурлап, экскурсия иртірген...
CӦС СОО. Пу хынығ статьяның узарадылғанын хығырарға сағынчатхан улусха пазын саларға чарир "Хабар" газетаның электроннай кӧрiмiне. Чарым чылға - 200 ле салковай. Пазынарға чарир амох таа.
Автор :
Елена САГАТАЕВА
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы