ЧОННАР ЫНАРХАЗЫ ПИК ПОЛЗЫН
19.03.2019
Хабарлар
Марығ. Хакасияның национальнай паза территориальнай политика министерствозы чоннар аразындағы хайызығларны тыыдар пӧгіннең гранттар мариин итірче.
Хакасияның национальнай паза территориальнай политика министерствозы республикадағы пос киреенең айғаспинчатхан хазнани нимес организацияларға 2019 чылның кӧстегліг социальнай программаларына позыдылған гранттар мариин чарлапча. Гранттар «Нациялар, аймах тілліглер паза киртіністіглер аразындағы ынархасты тыыдары, экстремизмні паза ксенофобияны тохтадары» кӧстегліг тоғыс ӱчӱн пирілер.
Марығ Россия чоннарын піріктірер паза национальностьтар аразындағы ынархасты тыыдар мероприятиелерні чуртасха кирер ӱчӱн, федеральнай бюджеттең Россия субъектінің бюджедіне субсидия пирердеңер Хакасия правительствозы паза национальностьтар киректеріне федеральнай агентствозы чӧптезии хоостыра 1 ноябрьда 2016 чылда алылған «Хакасияның региональнай политиказы» хазна программазының «Россия нациязын піріктірер паза Хакасияда нациялар аразындағы теелісті тилідер» хоза программазы хоостыра иртірілче.
Марығда Хакасияда санға алылған пос киреенең айғаспинчатхан хазнани нимес организациялар, хайзылары республиканың социальнай программаларын толдырчалар, аралас полар оңдайлығлар.
Пос киреенең айғаспинчатхан хазнани нимес организациялар, хайзыларының программалары чиңісчілер санында адаларлар, пӧгіннерін толдырарға 90 муңнаң 300 муң салковайға теере гранттар аларлар. Гранттар мариина тиксі 4 млн салковай позыдылған.
Марығда аралазар сурыныстар паза кирек пічіктер 14 марттаң 12 апрельге теере Хакасияның национальнай паза территориальнай политика министерствозында пу адресче алылчалар: 655019, Ағбан г., Щетинкиннің ор., 18, 507/3 каб., тел. 8(3902)23-90-04.
Марығ оңдайларынаңар Хакас Республиканың хазна ӱлгӱзінің толдырығлығ органнарының официальнай порталында пу адресче піліп аларға чарир: www.r-19.ru «Общество» пӧлікте («Гранттар паза марығлар»).
Автор :
Хакасияның национальнай паза территориальнай политика министерствозы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы