НАА СОБІРЕЗЕР - ӦРІНІСНЕҢ
26.03.2019
Хабарлар
Окіс ӧспезіннер. Аарлығ пістің хығырығҷыларыбыс, пу саарбахтарға чідірген часказын наа сӧбіреде таап аларға хада полыс пирелер.
Софья 2004 чылда тӧреен:
- Соня хылии-оңдайы хоостыра уғаа сиргек. Кем андар хайди хайчатханын ол сах андох чахсы сизінче. Олох туста, саарбах тузындағы прай хызычахтарох чіли, тиң частығлар аразында иң артых поларға кӱстенче. Паза Соня уғаа чоохчыл, кемнең дее тіл алызып алар оңдайлығ. Таластар сығыс парзалар, ол хаҷан даа позының сағыс-кӧрізін чарыдар. Соня ідӧк прай ниме пілерге хынча, аның ӱчӱн книга-журналлар кӧп хығырча. Ӱр тус ол «Тхэквондо» секцияа чӧрген, теелбектер студиязының араласчызы полған, паза Софьяның хоостар чайир кӧңні пар.
Павел 2002 чылда тӧреен:
- Павел - амыр оңдайлығ пала, хырыс-табыстарда аралазарға паза оларны тӧстирге пір дее хынминча. Тиң частығларнаң оой тіл алысча. Саарбах оолах ідӧк прайзынаң артых поларға кӱстенче. Пирілген алай чахаан тоғыстарны ол тузында паза чахсы толдырча. Пашаның субарап чӧрчеткенін пір дее кӧрбессің. Ол хачан даа иптіг паза аның кип-азаа арығ полча. Оолағас позы іди иптіг тудынарға ӱгреніп алған. Пӱӱнгі кӱнде оолағас волейболнаң айғасча.
Софьяа паза Павелге наа часка сыйлирға тимде сӧбірелер пу телефонҷа сығдырадыңар: 8(3902) 295-262. Прай сурығларға паба-іҷе хайии чох халған олғаннарны санға алчатхан хазнаның региондағы операторы нандырар.
Автор :
Тимнеен Александра КАРАМЧАКОВА
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы