ХРУСТАЛЬ ПЕЛИКАНЫ СООНҶА ПАРАР
26.03.2019
Хабарлар
Чыл ӱгретчізі-2019. Хакасияда республика синіндегі «Чыл ӱгретчізі» марығның халғанӌы чардығы Орджоникидзе аймаандағы Копьев аалда ирткен.
Пылтыр чиңісчі Орджоникидзе аймаандағы Наа аалдағы школаның тархын ӱгретчізі Ирина Сулекова полыбысхан. Аннаңар марығ оңдайлары хоостыра Хакасияның пӱӱлгі иң артых ӱгретчізін анда таллааннар.
Прай пис ӱгретчі араласхан. Анжелика Тарханова Ағбан пилтіріндегі Московскай аалдағы А.П.Кыштымовтың адынаң школадағы олғаннарны англия тіліне ӱгретче. Надежда Мякишева - Харатастағы гимназияның математика паза информатика ӱгретчізі. Ольга Шушлебина Пиидегі школада пасталығ класстар ӱгретчізі полча.
Александр Глухов Сорығдағы 3 № школада обществознание паза право уроктарын апарча. Николай Степанчук Ағбандағы 9 № школада информатика предмедін иртірче.
Салтарында чиңісті Николай Степанчук холға кирген. Амды ол «Россияның чыл ӱгретчізі-2019» федеральнай сиңдегі марыға парар. Ол Чечен Республикада иртер.
Ікінӌі паза ӱзінӌі орыннарны Александр Глуховнаң Ольга Шушлебина ӱлестіріп алғаннар.
Автор :
Марина СЕРГЕЕВА
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы