ХОЗА БАЛЛ ТОҒЫНЫП АЛ!
09.04.2019
Хабарлар
Хакас хазна университедінде «Катановтың хығырығлары-2019» иртче. Республиканың улуғ класстар ӱгренҷілері апрель тоозылғанҷа анда аралас поларлар. Сыйыхтығ орынға турысхан олғаннар, ХГУ-зар ӱгренерге кірчетсе, ЕГЭ салтарларына хоза тӧрт балл аларлар.
ХГУ-ның приёмнай комиссиязының наңдырығлығ хачызы Елена Майнагашеваның таниинаң, вузтың институттары абитуриенттерге 40 азыра наука секциязын паза марығлар тимнеп салғаннар. Аннаңар полған на оол-хыс позына чағын кӧстег таап алар.
Чиңісчілерге паза сыйыхтығ орынға турысханнарға дипломнар пирілер. Ол, тізең, ХГУ-зар кірерге сағынчатханнарға хоза тӧрт балл ағылар. Араласчыларға сертификаттар читірілер.
ХГУ-ның хабарлар пӧлии
********************************************
КИБЕЛІСТЕР ХЫҒЫРАРЛАР
Республиканың С.П.Кадышевтің адынаң культура кінінде 13 апрельде 11.00 часта кибелістер хығырчатхан устарның «Поэзия кӧңні» марииның ікінҷі чардығы иртер.
Пу марығ хакас поэт, драматург Михаил Кильчичаковтың 100 чазына чарыдылча. Саблығ писатель пас салған кибелістерні хакас таа, орыс таа тілінең хығырарға чарадылча. Марығ араласчылары частары хоостыра ӱс чардыхха чарыларлар: 7 - 11 частығлар, 12 - 18 частығлар паза 19 частаң улуғлар. Оларның устарын ӧнетін тӧстелген жюри паалир. Жюри кнезі полча Хакасияның чон артизі Светлана Чаптыкова.
Марығ Ағбанда С.П.Кадышевтің адынаң культура кінінің кічіг залында иртер. Кірері тикке. Хығырчабыс поэзияа хынчатханнарның мариин кӧріп аларға.
Наталья САРТЫКОВА
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы