ТУРАЛАРҒА ЧЫЛЫҒ ПИРІЛГЕН
12.04.2019
Хабарлар
Чарытхы сурии. Хакасияның пазы Валентин Коновалов, Харатастағы паза Ағбан пилтіріндегі котельнайларға чарытхы пирілбин сыххан сурығны пӧгіп, «МРСК Сибири» ПАО-ның устағҷыларынаң пір чӧпке килердеҷер чоохтасхан.
8 апрельде Харатас паза Ағбан пилтірі муниципальнай пӱдістерде чон чуртапчатхан тураларның чардығына паза социальнай объекттерге, котельнайларда чарытхы ӱзірілген сылтаанда, чылығ пирілбинібіскен. 9 апрельде иирзер, пу сурығҷа чоохтазығ апарылған соонаң, чарытхы пирілген.
Хакасия пазының ЖКХ сурығларынҷа орынҷызы Юрий Курлаев пу сурығ пӧгілгеннеңер искірген:
- Пӱӱнгі кӱнде республика пазы Валентин Коновалов Харатаста паза Ағбан пилтірі аймаандағы котельнайларны тоғындырарынӌа чоохтазығлар апарған соонда чарытхы пирілер сурығ пӧгілді. Амды социальнай объекттерге чылығ пирілче. Хакасияның прокуратуразы, налог тӧлепчеткен чон алнын алып, чарытхы алымнары сурииның оңдай-пазына сығар ӱчӱн пасха чолларны тілирдеңер чарадыға килген. Республиканың пу ағырсымнығ суриин пӧгерінӌе кӧп тоғыс апарарбыс. Алымнарны тӧлир «чол картазын» тӧстирге, пӱӱнгі кӱннең кӱскӱ-хысхы тусха тимненерге кирек.
Чарытхы сурии хоостыра Хакасияның правительствозы «МРСК Сибири» ПАО-наң, пір чӧпке киліп, хада-пірге тоғынарға пӧгінче.
Автор :
Елена САГАТАЕВА
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы