ЧӦПТЕРНЕҢ ПОЛЫЗЫF
16.04.2019
Хабарлар
Нацпроект. Республикадағы библиотекалар устағҷыларының чыылии ирткен.
Тоғыс чыылии 11 апрельде Хакасияның ӧӧн библиотеказында ирткен, анда аймах сурығлар ӱзӱрілгеннер. Иң пурун чоох «Культура» национальнай проекттеңер парған. Федеральнай проект муниципалитеттердегі культура учреждениелеріне ахча киріп алар, тоғыс оңдайларын чахсыландырыбызар оңдай пирче. Кӧзідімге, библиотека ӧмелеріне, модельнай библиотеканы тӧстир марығда аралазып, 5 - 10 миллион салковай утып аларға чарир. Ол ахча федеральнай бюджеттең позыдылар, аны наа кинделер, оборудование, мебель аларына хорадарға чарир.
Хакасияның культура министрі Леонид Ерёминнің таниинаң, 2024 чылға теере Россияда 660 модельнай библиотека тӧстирі кӧріл парған. Полған на регион позына ахча тартып аларға кӱстенер, аннаңар Хакасиядағы библиотекаларға, пу марығда ӧткін аралазып, чиңіс тударға кирек. Республиканың культура министерствозы, тізең, марығ араласчыларына чӧптернең полызар. Ол пӧгіннең ведомствода проект офизі тӧстелген. Аның тоғызынаң культура министрінің орынҷызы Галина Лейтис устапча.
Ідӧк чыылығда «Библиофестиваль-2019» акцияны паза «Хакасия писательлерінің кинделерін хығырары» социология істезігліг тоғысты иртірерінеңер чоох парған.
Автор :
Олеся ШЕРЕШЕВА
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде