АМЫР ХОНЫХ ӰЧӰН АЛҒЫС
15.05.2019
Хабарлар
Ӱлӱкӱн. Асхыста Илбек Ада чаадағы Чиңістің 74 чылын таныхтадылар. Асхыста иртенӧк Красноармейскай орамада чазағлығ колонналар тӧстеліп пастабысханнар. Андар ӧткін чон чыылысхан.
11.00 часта колонналар мемориал паркы хыринҷа иртерге киректер. Анда, тізең, трибунадаң тоғыр улуғ частығ улусха одырчыхтар тимнеп салтырлар. Тылда істенгеннер паза улуғ частығлар иртеезін одырғлап салғаннар.
Пастыхтар трибуна хыринда чыылызып пастабыстылар: Хакасия Оӧркі Чӧбінің депутады Вячеслав Тутатчиков, Асхыс аймаа пазы Абрек Челтыгмашев, чааҷылар комиссары Сергей Кибирёв, Асхыс аал пазы Марина Анжиганова паза даа пасхазы.
Колонналар трибунаа чит килгеннер. Россияның паза Илбек Ада чааның Чиңіс чаламалығ колонналар алнында военкомат тоғынҷылары иртчелер, оларның соонҷа - КПРФ-тың, «Единая Россияның», ЛДПР-ның колонналары. М.И.Чебодаевтің адынаң лицейнің соонда - Калининдегі школа.
Анаң Россияның паза Чиңіс чаламаларын апарчатхан ооллар чон алнында ирткеннер. Ідӧк хаҷанда десантта служба ирткен ооллар, МВД тоғынҷылары паза ӱгренҷілер парад стройынаң парғаннар.
Пастыхтар чоох тутхан соонда, палалар Чиңіс кӱніне чарыдылған теелбектер кӧзіткеннер, хайзы ырлаан.
Юнармиядағы олғаннар, тізең, сабаллардаң иділген венокты мемориал тӧзінзер салғаннар. Анаң устағҷылар, олаңай кізілер чахайахтар салғаннар.
Пайрам аннаң андар ирткен. Кӱн ортызына чит парғанда, чазы кухнязы тоғын сыххан. Чейнең паза фронт кашазынаң ветераннарны сыйлап пастааннар.
Сцена устары, чонға чайаачыларын кӧзідіп, ырлапчатханнар, теелбек салчатханнар.
Автор :
Михаил ИДИМЕШЕВ
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде