ЧУРТ САДИИ, САНҒА ТУРҒЫЗАРЫ
10.09.2019
Хабарлар
Сурғазар - нандырчабыс.
Росреестрнің Хакасияҷа управлениезінің специалисттері республика чуртағҷыларының аймах сурығларына нандырчалар
ЧУРТ САДИИ, САНҒА ТУРҒЫЗАРЫ
- Садығ-садызығ тузында чир участогы чарытхы линиялары хайраллалчатхан кии орнынзар кірче тіп сығысхан. Росреестр чӧптезігзер анзынаңар искіріг кир саларға кӱстепче. Анзы кирек пе?
- Санға турғызар хазна пічіктерінде федеральнай законда алай чӧптезігде кӧрілген право хызырылғаннаңар пазыл парарға кирек, анзы кӧзіділбезе, садызып алған кізі тибіреділбинчеткен ис-пайға правозын ал полбас.
- Квартираның пизінҷі чардығы мини полча, пасха ӱлӱстің ээзі минің чардығым садызып аларға сағынча, че аның ӱчӱн уғаа асхынах ахча пирче. Чарир ба аны рынок паазынаң алып аларға кӱстирге?
- Пір дее кізіні ис-пайны садызып аларға кӱстеп полбас, че ис-пайның чардығын рынок паазынаң садыбызарға чарир. Чурттың пасха ээлеріне рынок паазынаң ӱлӱсті сатчатханнаңар искіріг ыс пиріңер. Пір ай аразына олар квартираны алчалар тіп искірбезелер, сірерге аны пасха кізілерге садыбызарға чарир.
- Тураны хада хонғанымның чарадии чох садыбызарға чарир ба?
- Хада хонғаныңар чох квартираны садыбызарға сағынчатсар, пілерге кирек: тибіреділбинчеткен ис-пайны хоных хонар алнында алған ползаңар паза ол пірге ис-пайға саналбинчатса, сірер аны садыбызар праволығзар. Че квартираны сӧбіре тӧстеен соонда алған ползаңар, андада хада хонғаныңарның чарадии поларға кирек.
Итсе, закон хоостыра хада хонғанының чарадии чох собственностьха правоны санға турғызарға чарадылча. Че андада налог тӧлепчеткеннернің пірге хазна реестрінде (ЕГРН) анзынаңар танығ турғызылча. Мындағ оңдайнаң тузаланған кізі позына сидіксіністер алынча.
- Іҷе капиталы ахчазына садызып алған тураны хайди санға турғызарға?
- Іче капиталы ахчазына алылған чуртта сӧбіредегі прай кізілерге ӱлӱс кӧрілерге кирек. Хазна пошлиназы 2000 салковайға тиңнелер. Ол сӧбіредегі полған на кізее ӱлӱс хоостыра ӱлестірілче.
- Чир участогын собственностьха алып алар ӱчӱн, хайдар айланарға кирек?
- Чир участогын собственностьха алар ӱчӱн, пос устаныс органнарынзар участокты тикке алай ахчаа алып алардаңар сурыныс пічиинең айланарға кирек. Муниципалитет сірерге орган актын пирер алай сірернең садығ-садызығдаңар чӧптезіг тимнебізер. Хазна пошлиназын тӧлебізіп, ол пічіктернең паза санға турғызардаңар сурыныс пічиинең кӧп полызығ пирчеткен кінзер (МФЦ-зар) айланыңар.
Автор :
Росреестрнің Хакас Республикаҷа управлениезі
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы