«ӦТІГ ТАБЫЗЫНАҢ» ӦРІНІС СЫЙЛАПЧА
27.09.2019
Хабарлар
тоғазарға ағыл килгеннер. Прайзы ча-лахай кӧңніліг, хынчатхан артисттерін кӧріп алар нооза.
2019 чыл - Театр чылы. «Нымах» кӧклӧ театры 40-ҷы чайаачы сезонын асхан
Анзы таңнастығ полбасчых, че пістің республикада тӧрт чайаачы ӧме, хонҷых регионда, тізең, 10 профессиональнай театр саналча.
Театр хырынзар пасха даа матырлар сыхханнар. Оларны кӧріп, кізілер «Мария Стюарт», «Ус апельсинге хыныс», «Римус аңаның нымахтары», «Часылар тыхтаңаң устың чазыды» ойыннарны сағысха киргеннер. Прайзының кӧңніне тибе («Калиф-аист» нымах) кірген. Чалахай кӧңніліг, 13 пӱгӱрліг (оларны актерларның пастары таныхтааннар) тибе най морсымнығ кӧрінген. Чайаачы сезон азарына чарыдылған театр кӧзідии чарым час парған, аның халғанҷызында артисттер чоон хаптаң 50 артиинаң шар алтынзар хахтабысханнар. Олғаннарның ӧрінізі пу чир полбаан! Анаң кічіг частығ кӧрігҷілер спектакльларны кӧрерге парыбысханнар. Улуғ залда артисттер палаларға «Алтын пипеҷек» ойынны кӧзіткеннер, кічіг залда ол туста «Чылтызах» нымах парған.
Саблығ ӧменің пӧгіннерінеңер директор Игорь Окольников искір пирген. Хайди таныхтаан Игорь Ярославич, театрның пайрамын артисттер 18 октябрьда, «Цилиндр» наа ойынны кӧзідіп, таныхтирлар. Аны Санкт-Петербургтағы режиссер Александр Стависский турғысча. Алында ол театрда «Тун оолғы» паза «Кавказский меловой круг» спектакльларны чайаан. 2020 чылда февральда «Маленький принц» нымахтың премьеразы иртер. Июньда, тізең, ӧмедегілер кӧрігҷілерні «Чайғы хараадағы тӱс» ойыннаң хайхадарлар. Октябрьда артисттер «Оболганные и забытые» спектакльны кӧзідерлер. Ол адмирал Александр Колчактың хумартхызына чарыдылар. 2021 чылда «Нымах» Москвадағы «Человек» театрның ӧӧн режиссеры, актер Владимир Скворцовнаң тоғынарға чоохтас салтыр. Артист сериалларда, кинода ӧткін суурынча, театрларда ӧӧн рольлар толдырча.
Пӱӱл «Чир Чайаан» фестивальда Владимир Скворцов, «Кроткие» спектакльны кӧзідіп, пістің кӧрігҷілерні cаңай аптап алған. Ағаа хоза нымахтағылар фестивальларда аралазарлар, гастрольларға чӧрерлер.
«Нымах» театр тӧстелген чылда хазнабыста орыс поэт Александр Пушкиннің 180 чазы таныхталған. Саблығ кибелісчінің адын хумартхылап, театр таниина Пушкиннің нымағындағы алтын питук таллалған. Чайаачы ӧме ол хусха хылиинаң сынап таа тӧӧй полтыр. Пушкиннің питугы чіли, «Нымах» Хакасиядағы театр искусствозына пір орында турарға пирбинче, пасхазына чахсы кӧзідім полча. Кирек полза, кӧрігҷілерні «хахлабысча». Ізенчебіс, саблығ театрның «тапсазы» тоозылбас, аның ойыннары Хакас чирін ырахха сабландырар.
Автор :
Майя КИЛЬЧИЧАКОВА
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы