ПОЛҒАН НА КІЗӀНӀҢ ЧИДИИ ХАЗНАА ТИЛІС АҒЫЛЗЫН
06.11.2019
Хабарлар
Ӱлӱкӱн. Россия календарьында пір танығлығ кӱн пар, хайзы хазнада чуртапчатхан аймах нациялығ, пасха-пасха киртіністіг чонны піріктірче паза улам кӱстіг, ынағ итче. Я, ол Чон пірікчеткен кӱн, хайзын піс чыл сай 4 ноябрьда таныхтапчабыс
ПӰӰЛ ЧОН ПІРІКЧЕТКЕН КӰННІ ХАКАСИЯДА РЕСПУБЛИКА ИППОДРОМЫНЫҢ АЧЫҒЫНДА ПАЙРАМНААННАР. ЧОН АНДАР ИРТЕЕЗІН ЧЫЫЛЫЗЫП ПАСТААН. ПУ КӰНДЕ ИҢ ӦӦН МАТЫРЛАР - ОЛ ХАКАСИЯДА ЧУРТАПЧАТХАН АЙМАХ ЧОННАР. РЕСПУБЛИКАБЫСТА 100 АЗЫРА АЙМАХ ЧОН ЫНАҒ ЧУРТАПЧА. ОЛАР - ХАКАСТАР, ОРЫСТАР, ЕВРЕЙЛЕР, НЕМЕЦТЕР, ТАДЖИКТЕР, ШОРЛАР ПАЗА ДАА ПАСХАЗЫ. ИҢ ӦТКІН ДИАСПОРАЛАР ПАЙРАМҒА УЛУҒ НИМЕС КӦЗІДІГ ТИМНЕП КИЛТІРЛЕР. ПУ КӰНДЕ ОЛАРНЫҢ ТОҒЫСТАРЫНАҢ ХАКАСИЯ ПАЗЫ ВАЛЕНТИН КОНОВАЛОВ ТАНЫЗЫП АЛҒАН. ХАЙДИ ТОҒАЗЫҒДА ИСКІРГЕН ХАКАСИЯНЫҢ НАЦИОНАЛЬНАЙ ПАЗА ТЕРРИТОРИАЛЬНАЙ ПОЛИТИКА МИНИСТРІ МИХАИЛ ПОБЫЗАКОВ, РЕСПУБЛИКАБЫСТАҒЫ ДИАСПОРАЛАР ХАХАН ДАА ИПТІГ, АМЫР ТУДЫНЧАЛАР. ОЛАР, ПІРІГІП, ХАЛЫХ ОРГАНИЗАЦИЯЗЫН ТӦСТИРГЕ КӰСТЕНЧЕЛЕР.
- Полған на диаспора ідӧк республика ӱлӱкӱннерінде ӧткін араласча. Олар постарының культураларын, кибірлерін, хайраллап, пасхазына читірчелер, - чоохтапча Михаил Анатольевич.
Хакасияда 30-ча халых организациязы саналчатса, аның саны чыл сай хозылып одырча. Ӱр ниместең республикада чуртапчатхан Дагестаннаң сыххан чонны санға алар тоғыс апарылча. Хайди чоохтапча аның тӧстегҷізі Якуб Магомедов, аның алнында Хакасияда чуртапчатхан дагестан чон, ал-алынңа чуртап, удур-тӧдір чахсы таныс полбаан. Кем-де пеер 30 чыл мының алнында чуртирға килген, кем-де, тізең, мында пір ле чыл чуртап парир. Че прайзы сизінген - оларға, пірігіп, халых организациязын тӧстеп, республика чуртазында ӧткін аралазарға кирек. Аннаңар чииттер паза ортын частығлар кирек пічіктерні чыып пастабысханнар.
**************************************************************************************************************
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы