АҒЫРСЫМНЫҒ СУРЫҒЛАРНЫ ХАДА-ПІРГЕ ПӦКЧЕЛЕР
29.11.2019
Хабарлар
Тоғазығ. Хакасияда тоғыс чорығынаң парламенттің алтындағы палатазының ікі депутады - Хакасиядаң Хазна Думазының депутады Надежда Максимова паза Россияның саблығ имӌізі, Хакасия, Тува паза Хызылчар крайы ӱчӱн турысчатхан Хазна Думазының депутады Лариса Шойгу - полды
Регион пазы Валентин Коновалов Лариса Шойгунаң ӧӧн социальнай сурығларны ӱзӱргеннер. Чоох парған Хакасияда нацпроекттер чуртасха хайди кирілчеткеннеңер, ідӧк ӱгредігнің, имнег паза хазых хайраллирының ағырсымнығ сурығларынаңар. Аар ағырчатхан кізілерге паза кинек палалығ сӧбірелерге хабазар сурыға улуғ хайығ айландырылған.
Лариса Шойгу ідӧк Хакасия пазының социальнай сурығларҷа орынҷызынаң, хазых хайраллаҷаң, ӱгредіг, спорт, культура министрлерінең, істеніс паза социальнай арачыланыс министрі орынҷызынаң тоғасхан. Анда хазых хайраллиры паза имнег, ол санда пістің чуртағҷыларға пӧзік технологиялығ имнег полызиин пирер сурығлар ӱзӱрілген. Хай пірее улуғ федеральнай имнег кіннерінзер имненерге пирілчеткен квоталарны ағырчатхан кізілерге ӱр сағирға килісче. Лариса Кужугетовна пу сурығны сыныхтаға алып алған.
Тоғазығда ідӧк кинек палалар реабилитация тоғызы хайди апарылчатханына хайығ айландырылған. Лариса Шойгу республиканың психология-педагогика, имнег паза социальнай хабазығ пирҷең «Ӧрініс» кінде, «Теремок» тура-интернатта паза Саяногорсктағы олғаннарның реабилитация кінінде пол килген. Анда кіннернің тилізіне чарыдылған сурығлар кӧдірілгеннер. Хазна Думазы депутады полызиинаң пу сидіксіністерні пӧгібізер оңдай пар.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы