ПАЛАЛАРҒА ХОРҒЫС ПОЛБАЗЫН
04.12.2019
Хабарлар
Кӱн сурии. Палаларны ӧрт сығарбас правилоларға кічігдең ӱгредерге кирек, андағ піліс ӱчӱн нандырығлығ полчалар паба-іҷелер, ӱгретчілер
Паланы хаҷан даа хайығ чох артыспаңар. Ӱс-тӧрт частаң сығара аны отнаң хайди тузаланарға ӱгредіп пастирға чарир. Палаа спичканаң ойнирға, электроприборларны тоғындырарға, газ тамызарға, пес одынарға чаратпаңар.
Ӧрт сыхса, хайди орта тудынарға ӱгредіңер:
- паланаң хада ӧрт ӱзірчең, арачылачаң службаның «101» номерін чахсы ӱгреніп алыңар. Квартирада телефон хыринда алай телефон аппарадында, ідӧк мобильнай телефонда полызыға килчең службаларның «101», «112» номерлері пазылых ползын. Ідӧк анда полицияның, хонҷыхтарның, чағын-туғаннарның, паба-іҷелернің тоғыстағы телефон номерлері кӧзіділзін. Сидік туста улуғлар даа ол номерлерні сағысха табырах кир полбинчалар;
- ӧрт ӱзірчеңнерні хығыртарға постың адрезін пілерге кирек. Пала чоохтанып пастабысса, аны позының ады-солазын, адрезін, паба-іченің телефонын пілерге ӱгредіңер;
- піліңер, кічіг олған ӧрттең кӧрінмес орыннарда чазынча: орған, стол алтында, шкафта, подвалда. Іди чазынарға чарабастаңар оларға чахсы чоохтап пиріңер. Кӧйчеткен турадаң табырах сығыбызарға кирек;
- кӧйчеткен орынча иртчетсе, пасты ӧл сӱбӱрекнең алай олаңай ӧл платнаң даа чаап аларға кирек, ол ӧрттің оохтырчатхан ниме-нооларынаң арачылир. Ыстығ орынны сойлап алай мӧкейіп иртерге кирек, андада ысха пурлух парар оңдай хызырылар;
- піліңер, пала пастағы теесте паба-іҷедең кӧзідім алча. Аннаңар оларға хомай кӧзідім полбаңар: тӧзекте тамкы тартпаңар, ӱспеен тамкыны сӧп-сап кӧнегінзер тастабаңар, тоғынчатхан электроприборларны паза одын салған песті кӧрбин артыспаңар.
Автор :
Ирина МАКАРОВА
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы