КУЛЬТУРА ТУРАЛАРЫ ТИМГЕ СЫХ ПАРИРЛАР
10.12.2019
Хабарлар
«Культура» нацпроект. Аны хоостыра Хакасияның ікі аалында Культура туралары пӱдірілче
Ӏди Алтай аймаандағы Ызых поселоктағы ікі хадыллығ клуб пӱдіриине 36 миллион 772 муң салковай пирілген: 30 миллион 512 муң салковай - федеральнай бюджеттең, 5 миллион 858 муң салковай - республика бюджедінең, 402 муң салковай - орындағы бюджеттең.
Поселоктағы наа Культура туразында 150 кӧрігҷее зал полар. Паза анда аймах кружоктарға кабинеттер кӧріл парғаннар. Культура туразында ідӧк библиотека орнығар. Пӱӱнгі кӱнге пӱдіріг тоғыстары 40 % -ке иділ парғаннар.
Пии аймаандағы Буденовка аалда, тізең, пір хадыллығ Культура туразы тимге сығарыл парир. Аның пӱдіриине 23 миллион 849 муң салковай позыдылған: 15 миллион 829 муң салковай - федеральнай бюджеттең, 7 миллион 708 муң салковай - республика бюджедінең, 312 муң салковай - орындағы бюджеттең. Пӱдірілчеткен наа турада 100 кӧрігҷее зал полар. Пір кабинет кружоктарға кӧріл парған, библиотекаа орын парох.
Пӱдірігҷілер амды халғанҷы тоғыстарны толдырчалар. Істінзер чылығ пиріл сыххан. Ибіркізін иптир тоғыстар ідӧк тоозыл парирлар. Буденовка аалдағы Культура туразын пайрамни 25 декабрьда азарлар.
Автор :
Олеся ШЕРЕШЕВА
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде