ХАКАС ГИМНАЗИЯЗЫ - ЧИҢІСЧІ
13.12.2019
Хабарлар
Фестиваль. Ағбандағы 22 № школада «Ассоциированные школы ЮНЕСКО» проектте араласчатхан ӱгредiг заведениелерінің фестиваль-марии ирткен
«Кін арғыстарын чыыпча. Піс прайзы пасхазыбыс, че піс хадабыс!» адалчатхан марығны Хакасияның ӱгредіг министерствозы паза Ағбанның ӱгредіг управлениезі чуртасха киргеннер. Анда Н.Ф.Катановтың адынаң национальнай гимназия-интернаттың, Ағбандағы лицейнің паза 22, 25 № № школаларның, Харатастағы гимназияның, Асхыстағы М.И.Чебодаевтің адынаң лицей-интернаттың ӱгренҷілері чайаачыларынаң сынасханнар. Прай пу ӱгредіг заведениелері «Ассоциированные школы ЮНЕСКО» проекттің араласчылары полчалар.
Марығда олар аймах национальностьтарның культураларын кӧзіткеннер. Іди национальнай гимназияның 7 паза 8 класстардағы ӱгренҷілеріне хакас чонның кибірлерінең паза кип-азаанаң таныстырарға ӱлӱс тӱскен. Халғанҷы номинацияда, тізең, чарғыҷылар хайиина «Айдым» теелбекті сығарғаннар.
Хайди чарытхан проекттің региондағы устағҷызы Елена Умнова, олар марыға турыстығ тимнен салтырлар. Аннаңар чиңіс пір дее ікінҷілес чох оларға пирілген. Ікінҷі орынны Ағбандағы лицейдегілер холға киргеннер, ӱзінҷізін - 22 № школадағылар.
Прай чиңісчілерге дипломнар паза сыйыхтар читірілгеннер. Ӱгредіг учреждениелерінің устағҷыларына алғыстас пічіктері пирілген.
Автор :
Марина СЕРГЕЕВА
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы