18 МЕДАЛЬЛЫҒ АЙЛАНҒАННАР
24.12.2019
Хабарлар
Марығ. Пу кӱннерде Хакасияның пазы Валентин Коновалов Хызылчарда ирткен «Кимдегі Сибирь - Профи тӧлі» регионнар аразындағы чемпионаттаң чиңістіг айланған 18 оол-хысха Аарластығ пічіктер читірген
Декабрьның пастағы кӱннерінде Хызылчарда WоrldSkills стандарттарынҷа регионнар аразындағы чемпионат ирткен. Анда Туваның, Хызылчар крайының паза Хакасияның пӧзік пілістіг студенттері марығласханнар. Чоохтирға кирек, чемпионаттың ӧӧн пӧгіні - ортын паза пӧзік ӱгредіг учреждениелерінің иң чахсы пілістіг выпускниктерін табары паза оларны Кимдегі Сибирьнің кадрлар резервінзер кирері.
Марығдаң пістің чииттерібіс 18 медальлығ айланғаннар. Электромонтаж (ікі медаль), веб-дизайн, пос кирее (ікі медаль) паза автомеханик кӧстеглерде пістіңнер алты алтын медаль холға киргеннер. Читі кӱмӱс медаль - пос кирее (ікі медаль), ағаснаң тоғынҷаң ус, веб-дизайн, хуруғ пӱдіріг паза чахчаң тоғыстар, ас-тамах тимнеҷең ус, тимір хабыстырҷаң ус кӧстеглерҷе, пис хола медаль - веб-дизайн, автомеханик, хуруғ пӱдіріг паза чахчаң тоғыстар, ветеринария, ас-тамах тимнеҷең ус кӧстеглерҷе.
Чииттерібістің чидіглерін республиканың пазы Валентин Коновалов пӧзік паалаан. Ол Хакасияны марығда турыстығ кӧзіткен ӱчӱн студенттерге алғызын читірген. Аның таниинаң, пӱӱнгі кӱнде тоғысчы специальностьтар істеніс рыногында тың киректелче. Аннаңар тоғысчы профессияларны сабландырарға кирек тіп сағызынаң ӱлескен.
Хакасия пазының холынаң Аарластығ пічіктер алған соонаң, студенттер марығ хайди ирткеннеңер паза анда хайдағ тузалығ пілістер алып алғаннаңар чоохтап пиргеннер.
Вероника Боргоякова пос кирее кӧстегде марығласхан. Хыстың чооғынаң, марығ ікі кӱн ирткен. Ӱс регионнын оол-хыстары марығда турыстығ араласханнар. Че пістің чир-суғҷыларыбыс пастағы орынны пірдеезіне пирбееннер. Олар проекттерін чахсы арачылабысханнар. Чоохтирға кирек, Вероника аймах марығларда сыбыра араласча. WоrldSkills стандарттарынңа «Чииттер чемпионадында» ол, ікі хати аралазып, сыйыхтығ орыннарға турысхан.
Автор :
Ольга ТОМОЧАКОВА
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде