ТОҒЫСТАҢ ПАРЫБЫССА, ПЕНСИЯ НИНӋЕ ПОЛАР?
10.01.2020
Хабарлар
Сурғазар - нандырчабыс. Россияның Пенсия фондының Хакасияӌа пӧлиинің специалисттері республика чуртағӌыларының аймах сурығларына нандырчалар
- Іҷем, пенсияа сығып, тӧртінҷі чылы тоғын парир. Пенсиязына индексация иділбинче. Искем, полған на тоғынчатхан пенсионерге, тоғыстаң парыбысса, индексация иділіп, пенсиязы нинҷее ӧс парарын піліп аларға чарир. Аннаңар ПФР-ның сайтында хайди піліп аларға?
- Я, андағ искірігні ПФР-ның сайтында кізінің позының кабинедінде піліп аларға чарир. Анда тоғынчатхан кізінің амғы пенсиязы паза, тоғыстаң парыбысса, индексация иділіп, хозылар пенсиязы кӧзіділче. Аны кӧрерге пос кабинедінде «Пенсиядаңар искіріг аларға» сервисті таллап алыңар. Мониторда прай кирек искіріглер сых килер. Ідӧк андағ искірігні, ПФР-ның клиенттернең тоғынчатхан службазынзар парып, піліп аларға чарир.
- Чаалазығлар араласчыларына (Афганистандағы паза пасха даа чирлердегі) пенсия хайди саналча, ідӧк оларға хайдағ пенсия льготалары пар?
- Закон хоостыра Афганистандағы чаалазығлар араласчыларына чазы алай кинек полчатханы хоостыра пенсия турғызылча. Ідӧк ПФР линиязынҷа чаалазығлар араласчыларына ай сай ахчалығ тӧлег (ЕДВ) паза социальнай полызығлар чыындызы (НСУ) пирілче. ЕДВ паза НСУ аларға ПФР-ның орындағы пӧлиинзер паспорттығ паза чаалазығлар ветераны полчатханын киречілепчеткен пічіктіг айланарға кирек.
Киректелчеткен искіріглерні ПФР-ның орындағы пӧлиинде клиенттернең тоғынчатхан службада алай ПФР-ның Хакасияҷа пӧлиинің «ізіг линиязында» пу телефон номерінҷе піліп аларға чарир: 8 (3902) 22-95-55.
- Іӌе капиталына сертификатты піс Хакасияда алғабыс, пропискабыс ідӧк республикада. Че амды пасха чирзер кӧзерге пӧгінчебіс. Іӌе капиталы ахчазын пасха регионда тура пӱдіриине алай чурт аларына хорадарға чарир ба?
- Закон хоостыра, іҷе капиталы ахчазынаң тузаланып, садысчатхан алай пӱдірілчеткен чурт Россия чирінде поларға кирек. Іҷе капиталынаң тузаланар сурыныс пічиин ПФР -ның орындағы пӧлиинзер посха алай пос кізізіне пирерге кирек.
Сірернің Россияның хайдағ даа регионында чурт алар правоңар пар, сурыныснаң таллап алған регионда ПФР-ның орындағы пӧлиинзер айлан поларзар. Прописканаң пір дее ниме палғалыспас.
Автор :
Тимнеен Николай СУЛТРЕКОВ
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы