КӰСТЕНІСТЕР ПІРІКТІРІЛЕР
17.01.2020
Хабарлар
Тоғыс чорығы. Хакасия чіт парған паза хыйалға кірген палаларға полысчаң национальнай кіннең пірге тоғынардаңар чӧптезіг иткен
Хакасияның пазы Валентин Коновалов Москвада, командировканаң полып, «Чіт парған паза хыйалға кірген палаларға полысчаң национальнай мониторинг кіні» халых пірігізі кізілерінең хада тоғысчы тоғазығ иртірген. Тоғазығ тузында Валентин Коновалов паза ідӧк республика пазының орынӌызы, Хакасияның тӧреміл представители Юлия Исмагилова ассоциацияның попечительлер чӧбінің кнезі Елена Мильскаянаң паза пірігістің толдырығлығ директоры Екатерина Мизулинанаң хада пірге тоғынӌаң планнарны ӱзӱргеннер. Салтарында Хакасия правительствозы паза Национальнай кін аразында пірге тоғынардаңар
«Чіт парған паза хыйалға кірген палаларға полысчаң национальнай мониторинг кіні» ассоциация 5 чыл мының алнында Москвада тӧстелген. Пӱӱн пірігістің филиаллары хазнаның онарлап городында пар. Аның кізілері, право хайраллаӌаң органнарнаң пик палғалыста тоғынып, сағба чох чіт парған палаларны паза улуғ кізілерні тілирінде араласчалар, сидік чуртас оңдайларында пол парған палаларға полызарына хабасчалар. Кем хыйалға алай чобаға кірген, андағ палаларның реабилитациязында араласча.
Республикада «Чіт парған палаларны тілирі - Ағбан» Хакас региональнай халых пірігізі тоғынча. Олаңай чуртағӌылар санынаң пос кӧңнінең килгеннер полицияа, істезігӌілерге паза арачылағӌыларға чіт парған палаларны паза улуғ кізілерні тілирге тикке полысчалар.
Хакасия правительствозы паза Национальнай мониторинг кіні аразында пірге тоғынардаңар иділген чӧптезіг республикада волонтёрлар чӧрімін тилідерінӌе паза ол чӧрімге хабазарынӌа кӱстеністерні піріктірерге, ідӧк право хайраллаӌаң органнарға чіт парған палаларны, улуғларны тілирге полысчатхан пос кӧңніліглернің тоғызын улам тӱзімніг идерге оңдай пирер: волонтёрлар, кӧзідімге, федеральнай кіннің специалисттері устаанынаң ӱгредіг ирт поларлар. Планнарда ідӧк профессиональнай арачылағӌыларның, полицияның паза пос кӧңнінең тоғынчатхан тілегӌілернің пірге ӱгредіглерін иртірері.
Аннаң пасха, Хакасияда палаларны ибдең парыбызарын азынада тохтадарынӌа, чазы читкелектернің чуртазына, хазиина хорғыс ағылчатхан киректердеңер сизіндірерінӌе пірге проекттер паза акциялар, ол санда интернет хорғыстарынаңар уроктар иртірері кӧрілче.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы