ВЕТЕРАНҒА - ПАЙРАМНЫҒ МЕДАЛЬ
22.01.2020
Хабарлар
Илбек Чиңіске - 75 чыл. Хакасия пазы Валентин Коновалов Ағбанда чуртапчатхан фронтовикке, 95 чазынаң алғыстап, пайрамнығ медаль читірген
ИЛБЕК ЧИҢІСТІҢ ПАЙРАМНЫҒ ЧЫЛЫНДА ПАЙРАМНЫҒ ТӦРЕЕН КӰНІН - 95 ЧАЗЫН - 20 ЯНВАРЬДА ИЛБЕК АДА ЧАА ВЕТЕРАНЫ, АҒБАН ЧУРТАҒҶЫЗЫ ИВАН ВАСИЛЬЕВИЧ АНДРЕЕВ ТАНЫХТААН. ХАКАСИЯ ПАЗЫ ВАЛЕНТИН КОНОВАЛОВ РЕСПУБЛИКАНЫҢ ІСТЕНІС ПАЗА СОЦИАЛЬНАЙ АРАЧЫЛАНЫС МИНИСТРІНЕҢ ХАДА ФРОНТОВИКТІ АЛҒЫСТИРҒА АНЫҢ ИБІНЗЕР КИЛГЕННЕР.
Иван Васильевич фронтсар 1942 ларда араласхан, танктарны атчаң чылда 17 частығда парған. Чаалазығ - орудиелер отделениезі командирі полған. Чаа тоозыларына пір чыл халғанда, кічіг сержант, аар палығлат салып, ибінзер айланған. Чаа соонан школада ӱгретчі полып тоғынған, аал администрациязынын устағҷызы полған, соонан Ветераннар чӧбінең устаан. Иван Андреев I паза II степеньніг Ада чаа орденнерінен, «За победу над Германией» паза пайрамнығ медальларнаң сыйыхтатхан.
Хакасияның пазы Иван Васильевичке Илбек Ада чаадағы Чиңістің 75 чылына чарыдылған танығлығ пайрамнығ медаль, чахайахтар паза сыйыхтар читірген, Россия президентінің алғыстастығ пічиин хығыр пирген паза Хакасия правительствозы адынаң чахсы кӧңніліг, чахсы чуртастығ паза хазых поларға алғаан.
- Сірер хазыр чааның аар сынағларын турыстығ ирткезер, Илбек Чиңісті чағыннадып, немец-фашист азымахчыларынаң тоғыр чаалазығларда хорғыстығ паза аар операцияларны кӧзідімніг толдырғазар. Сірернің прай чуртас чолы тузындағы хазна ӱлӱзіне хайииңар хаҷан даа хайхадар паза патриотизм кӧзідімі полар, - таныхтаан Хакасияның пазы алғыстастығ чооғында.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы