ЧУРТАСХА КИРІЛЧЕТКЕН ПРОЕКТТЕРДЕҢЕР - ЧОНҒА
28.01.2020
Хабарлар
Марығ салтарлары. «Единая Россия» партияның Хакасиядағы пӧлии регион СМИ-лары аразында иртірген марығның салтарларын искірген
Пу марығ ирткен чылда часхызын чарлалған. Ол «Фракция тоғызы», «Депутатха сӧс», «Партия тоғыста», «Піс итчебіс» «Единая Россияның» проекттері» номинацияларӌа иртірілген.
21 январьда партияның Хакасиядағы пӧлиинің толдырығлығ комитедінің устағӌызы Игорь Мамонтов марығ чиңісчілерін сыйыхтаан. «Фракция тоғызы» номинацияда «Черногорский рабочий» паза «Усть-Абаканские известия» газеталар чиңісчілер полыбысханнар. «Хабар» паза «Черногорск» газеталар «Единая Россияның» проекттері» номинацияда утып алғаннар. «Партия тоғыста» номинацияда «Хакасия» хабарлар агентствозы» чиңіс тутхан. «Земля таштыпская» газета редакциязының прай хабарӌылары, алты кізі, пу марығда аралазып, Гран-приға турысханнар. Редакцияның тоғынӌылары, прай номинацияларда аралазып, 13 тоғыс пиргеннер. Аның ӱчӱн Игорь Мамонтов «Земля таштыпская» газетаның редакторы Виктор Пермяковха алғыстас пічиин читірген.
Марығ чиңісчілеріне грамоталар паза ахчалығ сыйыхтар читірілген.
- Улуғ алғыс хайығ паза сыйыхтар ӱчӱн. Аймахтардағы газеталарға пу ахча чахсы хабазығ полча. Піске телевидениенең паза радионаң марығлазарға килісче. Хығырығӌыларыбыс - тиксі Ағбан пилтіріндегі чон. Оларға хабарларны тузында читірерге кӱстенчебіс. «Единая Россияның» проекттері мыннаң мындар поларына ізенчебіс, - алғызын читірген «Усть-Абаканские известия» газетаның редакторы Ирина Церковная.
Автор :
Оксана ЧЕЛТЫГМАШЕВА
| Пн | Вт | Ср | Чт | Пт | Сб | Вс |
| 24 | 25 | 26 | 27 | 28 | 29 | 1 |
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | 31 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде
