ГРАНТ АЛАРҒА МАҢНАНЫҢАР!
18.02.2020
Хабарлар
Идінӌектер хайиина. Хакасияда социальнай полызыға кӧстегліг пос киреенең айғасчатхан идінҷектерге 1,5 миллион салковай грант алып алар оңдай пол килді
Хабазығнаң тузаланарға сағынчатхан идінҷектерге 2020 чылның 30 апрельіне теере Хакасияның экономика тилізі министерствозынзар кирек пічіктер ағыларға кирек.
Пӱӱл гранттар социальнай полызығнаң Абаза, Саяногорск, Харатас городтарда паза Тӧӧ пазы поселокта айғасчатхан идінҷектерге пирілер.
Гранттаң пасха, пӱӱл социальнай пос киреенең айғасчатхан кізілерге пасха даа хазна полызиинаң тузаланарға чарир:
1) Іди пос позына тоғынчатхан кізее 3 - 8,5 проценттіг 3 миллион салковайға теере микрозайм алып алар оңдай пар.
2) 8 миллион салковайға теере ӧнетін оңдайларҷа гарантия хабазии.
3) Пос киреен ниик апарар ӱчӱн, идінҷектерге ол-пу оборудованиені тӧбін проценттіг алып аларға чарир. Іди Россияда тимнелген оборудованиені 6 % ниик садызып аларға чарир, пасха хан чиріндегі оборудованиені - 8 %. Мындағ льготалығ лизинг идінҷектерге 5 миллионға теере 5 чылға пирілче.
Социальнай идінҷек пілдіріг 2019 чылда чуртасха кирілген. Кічіг паза ортын пос киреенең айғасчатхан идінҷектер, «социальнай» атха турызар ӱчӱн, тоғысха тынағдағы чуртағҷыларны аларға кирек, ідӧк хазии уйан алай чуға чуртапчатхан кізілерні алзын. Ідӧк ол хазии уйан чуртағчыларға хабасчатхан товарлар сығарзын, хазыхты тыытчаң кирекнең айғассын.
Хазна полызығларынаң тузаланарға сағынчатхан идінҷектерге Федеральнай налог службазының пірге реестрінде санға алылых поларға паза кирек пічіктерні тузында ағыларға кирек. Пічіктерін 28 февральға теере ағылған идінҷектер 10 апрельге теере реестрзер кирілер, 1 марттаң 30 апрельге теере ағылғаннар, тізең, 10 августха кирілерлер.
Кірген пічіктернең экономика тилізі министерствозы пір ай тоғынар. Аның соонаң идінҷекке «социальнай идінҷек» статус пирер алай пирбес чарадығ алылча.
Кӧріл парған пічіктерні Хакасияның экономика тилізі министерствозынзар ызарға кирек пу адресче: Ағбан г., Лениннің ор., 67, 512 каб.
Ідӧк МФЦ паза «Минің пос киреем» кінҷе пирерге чарир. Муниципалитеттер администрацияларында ідӧк идінҷектердең пічіктер алылча. Абаза городта пу телефонҷа: 8(39047) 2-53-00; Саяногорскта - 8(39042) 6-87-51; Харатаста - 8(39031) 2-30-26; Тӧӧ пазы посёлокта - 8(39045) 9-56-54.
Автор :
Хакасияның экономика тилізі министерствозы
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде