ЧЫЛЫҒ КӰНДЕ ЧОН ЧАХСЫ КӦГЛЕСКЕН
26.02.2020
Хабарлар
Ӱлӱкӱн. 22 февральда республикадағы ипподромда марығлар паза садығ ярмарказы ирткен. Ӱлӱкӱн «Чон паза армия пірге» адалған
Республикада паза Ағбанда 23 февраль тынағ кӱннерінде аймах концерттер, спорт ойыннары иртірілгеннер. Республикадағы ипподромзар пу кӱнде кӧп чон чыылған. Ӱлӱкӱнні иртірчеткеннер улуғ программа тимнеп салтырлар. 10 час иртеннең ас-тамах садии парған, соонаң чонға марығларны кӧріп алар оңдай полған.
Ӱлӱкӱнде улуғларға даа, кічіглерге дее чапсых ойыннар иртірілген. Ат чарызынаң пасха, аал хонии ярмарказы, казак чааҷыларының кӧзідии, пони аттарның чарызы, адайлар чӱгӱрізі, Ағбандағы чааҷылар гарнизонының кӧзідии парған. Солдаттарның кашазын ярмарка ачығында азылған чааҷыларның кухнязында ӱлееннер. Андох Россияның чаа кӱстеріне паза Росгвардияа кізілерні пазындырғаннар.
Суббота кӱн тасхар иртеннең чылығ полған. Республикадағы ипподромда чон паза чааҷылар, аттар паза адайлар аралас парған чіли пілдірген. Чыылған чон чахсы кӧглезіп алған. Ярмаркада ит, палых, мӧӧт кемге нинҷе кирек, алып алғаннар. Чылығ кӱнде кізілер, ибде одырбин, ӱлӱкӱнде пол килгеннер.
Автор :
Елена САГАТАЕВА
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы