ПРОЕКТТЕР ТИМНИРГЕ ХЫҒЫРЧАЛАР
04.03.2020
Хабарлар
Гранттар марии. Президент гранттарының фонды 2020 чылда гражданскай обществоны тилідеріне Россия президентінің гранттарын пиреріне ікінҷі марығ иртірілчеткеннеңер чарлапча. Марығда аралазарға Хакасияның санға алылған коммерческай нимес пірігістері хығыртылчалар
Сурыныстар 31 мартха теере алылча. Че постарының проекттерін 24 марттаң орай нимес пирерге чӧп пирілче. Марығ араласчыларының техническай алҷаастарын тӱзедер тузы пар полар.
Марыға коммерческай нимес, правительстваа кірбинчеткен пірігістернің мындағ кӧстеглерҷе проекттері алылчалар:
- кізілерге социальнай полызығ паза арачыланыс пирері;
- хазых хайраллиры, хазых оңдайлығ чуртастың пропагандазы;
- сӧбірее, паба-іҷее, олғаннарға хабазары;
- чииттернің проекттеріне хабазары;
- наука, ӱгредіг проекттеріне хабазары;
- культура паза искусство проекттеріне хабазары;
- культура паза искусство облазындағы чиит таланттарны ілезіне сығарары паза оларға хабазары;
- тархында полған киректерні хайраллиры;
- кізінің праволарын паза пос чуртазын арачылиры, ол санда харибде одырчатханнарның праволарын арачылиры;
- ибіркіні хайраллиры паза аң-хусты арачылиры;
- нациялар паза религиялар аразында пір чӧптіг поларын тыыдары;
- халых дипломатиязын тилідері паза чир-суғҷыларға хабазары;
- гражданскай общество институттарын тилідері.
Сурыныстар электроннай кӧрімде алылчалар. Марығ пічіктері https:// президентскиегранты.рф сайтта, «Марығлар» чардыхта пар. Ікінҷі марығ салтарлары 15 июньға теере кӧрілер. Чӧпсіндірген проекттер 1 июльдаң пасталарлар. Марығ салтарларынҷа пірігістер аразында 3,5 миллиард азыра салковай ӱлестірілер. Пічіктер алчатхан туста ӧнетін ӱгредіглер иртірілер Воронеж, Ярославль, Курган, Новосибирск паза Свердловск областьтарында, Ненец автоном округында, Москвада паза Санкт-Петербургта. Прай искіріг социальнай сетьтерде пирілче.
Мының алнындағы марығларда чиңіс тутпаан пірігістерге «Хайди президент гранттары марығда чиңіске сурынысты читіре тоғыныбызарға?» тренингтер полар. Анда грант сурыныстарында удаа хайдағ алҷаастар иділчеткенін піліп аларлар, оларны постары табарға ӱгреніп аларлар.
Автор :
Светлана АСТАНАЕВА
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде