ХАКАС ГАЗЕТАЗЫ - ПОЛҒАН НА СӦБІРЕЕ!
13.03.2020
Хабарлар
Чонның кӧңні. Аарлығ хығырығҷылар! Алғыстапчабыс сірерні наа «Хакас чирі» газетаның пастағы номерінең!
ГАЗЕТАБЫСТЫҢ «ХАКАС ЧИРІ» АДЫ СІРЕРНІҢ РЕДАКЦИЯЗАР ӦМЕНЕҢ АЛАЙ АЛЫНҶА ПАСХАН АЙЛАНЫСТАРЫҢ, СЫҒДЫРАТХАННАРЫҢ ПАЗА РЕДАКЦИЯ СЫҒАРҒАН СУРАСТЫРЫҒ КУПОННАРЫ ПАСТЫРА НАНДЫРЫҒЛАРЫҢ ХООСТЫРА РЕДАКЦИЯ ӦМЕЗІНІҢ КӰСТЕНІЗІНЕҢ НАНДЫРА АЙЛАНДЫ. ТАНЫХТИРҒА КИРЕК, АЙЛАНЫС КӦП ПОЛҒАН, 300 АЗЫРА. ХАЙДИ ЧОНДА ТІПЧЕЛЕР - ӦМЕНЕҢ КӦДІРГЕН ТӦГЕ ДЕЕ НИИК ПОЛАДЫР.
Газетабыстың ады алысса даа, аның ӧӧн кӧстеглері алыспинча - Хакас Республикаа, чоныбысха тоғынарға. «Хызыл аалдаң» пасти тӧреен тілібіснең сыхчатхан чалғыс газетабыс, Хакасияның, аның город-аймахтарының, аалларының чуртазынаңар, чидіглерінеңер, сидіксіністерінеңер, чоныбыстың саблығ паза турыстыра кізілерінеңер пазып, хығырығҷыларға тоғынча. Газетаның полған на страницазы чир-суубыстың тархыны полып халча.
Ізенчебіс, «Хакас чирінің» хығырығҷылары хозылар, хакас газетазы полған на сӧбірее кірзін! Газетанын кӱзі хығырығҷыларынаң кӧні палғалыстығ - оларның санынаң паза чир-суубысха сағыссыразынаң.
Редакцияның ӧмезі газетабыс туза паза хынығ ползын тіп аннаң андар кӱзін салар.
Автор :
Радион СУНЧУГАШЕВ, ӧӧн редактор
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде