ПОСТЫ ПАЗА ЧАҒЫННАРЫҢНЫ ХАЙРАЛЛАҢАР!
27.03.2020
Хабарлар
Айланыс. Хакасия пазы Валентин Коновалов, республика чуртағҷыларынзар коронавирусты таратпазынҷа кӧрілген кирексiнicтерге тудынарға хығырып, киҷее чонзар хатап айланды
- Хакасияның аарлығ чуртағҷылары! Республикада ікінҷі кізі коронавируснаң ағырыбысханы киречілелді. Ипчі кізі, Италияда паза Францияда тынанып, Москвадаң учух килген соонаң тасхар сыхпин, ибде одырған. Пастағы сыныхтағда ағырығ ілезіне сығарылбаан, ікінҷізі аны кӧзіт пирген. Амды ол ипчі имнег туразында имҷілер хайиинда.
Россия президенті наа чуғынҷах агырығны, коронавирусты, таратпазынҷа чӧптеен хоза кирексіністер тузында кирілче тіп санапчам. Пазағы неделя хазнада тоғысчы нимес тіп чарлалған, че ол ӱзігі чох тоғынчатхан предприятиелер, имнег учреждениелері паза аптекалар, ідӧк чонға ас-тамах паза пастағы кирексініс ниме-нооларын читірчеткен, саайлар тузында тыхтағ тоғыстарын толдырчатхан алай таарлағнаң айғасчатхан организацияларның тоғынҷыларына теелбинче.
Республикадағы хазна органнарына, ідӧк орындағы пос устаныс органнарына, килчеткен неделяда тоғынар специалисттерні санап, Хакасия правительствозына искірерге кирек.
Хакасия школалары ырахтын ӱгренерге тимненчелер. Студенттер ол оңдайнаң ӱгредіге кірібіскеннер. Тынаға прай іҷе-пабалар парбинчатханнаңар, орындағы пос устаныс органнарына школа алнындағы ӱгредіг учреждениелерінiң тоғынар оңдайын кӧр саларға чӧптепчем, олған садтарында ӧнетін ӧмелер тӧстирге чарир.
Республика ӱлгӱлері алынҷа хайығда тутчалар узах частығ паза кинек чуртағҷыларны. Оларға Хакасияның істеніс паза социальнай арачыланыс министерствозы пастыра социальнай тогынҷылар полысчалар.
Республиканың прай чуртағҷыларын сурынчам сизіндіріг чӧптеріне тудынарға, посты паза чағыннарыңны хайраллирға паза хомай эпидемиологиялығ пасха хан чирлерінзер, регионнарзар чӧрбеске. Ағырыға чігленіс ползох, имнег учреждениелерінзер айланарға.
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы