КӰРЕЗЕР ХОЗА ОҢДАЙЛАР КИРІЛЧЕ
31.03.2020
Хабарлар
Кӱн сурии. Хакасияда коронавирус чуғынҷах ағырығ тарирын тохтадар пӧгіннең чарадыға алылған чӧптер паза хызырчатхан оңдайлар алғыдылғаннар
РЕСПУБЛИКАНЫҢ ОПЕРАТИВНАЙ ШТАБЫ ЧЫЫЛИИНЫҢ САЛТАРЛАРЫНДА, ПАЗА ФЕДЕРАЛЬНАЙ СИНДЕ АЛЫЛҒАН ЧАРАДЫҒЛАРНЫ САНҒА АЛЫП, РЕСПУБЛИКАНЫҢ ИМНЕГ УЧРЕЖДЕНИЕЛЕРІНДЕ ПРАЙ КӦРІМНІГ ПОЛЫЗЫҒЛАР ПИРЕРІ, СООНА САЛДЫРБАС ПАЗА ТАБЫРАХ ПОЛЫЗЫҒЛАРДАҢ ПАСХА, ХАЙДАҒ-ДА ТУСХА ТОХТАДЫЛЧА. ОЛ САНДА ДИСПАНСЕРИЗАЦИЯ, ПРОФИЛАКТИКА ПАЗА ПЛАНДА ИМНЕГ СЫНЫХТАА ТОХТАДЫЛҒАН. ИМҶІЛЕР ОНКОЛОГИЯНАҢ ПАЗА ПАСХА ДАА ААР ЧӦРЕЕС АҒЫРЫҒЛАРНАҢ АҒЫРЧАТХАН КІЗІЛЕРНІ ЛЕ СЫНЫХТАП ТУРАРЛАР. ПУ КАТЕГОРИЯА КІРЧЕТКЕН ПАЦИЕНТТЕРНІ СЫНЫХТАДАҢ ТУС ПАЗА ОЛАРҒА ИМНЕР ПАС ПИР ТУРАРЫ ІДӦК ХАЛЧА.
Республикада хайдағ-да тусха тынағ, ӱтертіс, культура, физкультура, спорт, кӧзідіг паза кізі аралас полчаң пасха даа мероприятиелерні иртірері тохтадылча. Культура паза тынағ парктарында, садығ-ӱтертіс кіннерінде, аттракционнарда паза кӧп кізі чӧрчең пасха даа орыннарда килістіре полызығлар пирерге чарабас. Анзынаң пасха, регион чуртағчыларына пу кӧзіділген мероприятиелерні иртіреріне кӧрілген пӱдіріглерзер, ол санда хараа тоғынчатхан клубтарзар (дискотекаларзар), кинотеатрларзар (кинозалларзар), олған ойнатчаң комнаталарзар, олған кіннерінзер, пасха даа ӱтертіс паза тынағ заведениелерінзер чӧрерге чарадылбинча.
28 марттаң 5 апрельге теере Хакасияда чонны азырачаң прай орыннарның тоғызы тохтадыл парарға кирек, чиисті ибзер ағылчатханнарға ол теелбинче. Ідӧк тынанҷаң неделяда тоғыстарын узаратчатхан предприятиелернің столовайларына тоғынарға чарадылча. Оларда дезинфекция итчең оңдайлар тыыдылар.
Ідӧк пу тусха садығ саринаң хызырчатхан оңдайлар кирілген. Таныхтирға кирек, Россия правительствозы иң кирек ниме-нооларның, хайзыларын садып, садығ туралары тынанҷаң неделяда тоғын поларлар, переченьін чарадыға алыбысхан (РФ правительствозы 27 мартта 2020 чылда алған 762-р№ чарадии). Хызырчатхан оңдайлар ас-тамах садығ тураларына, аптекаларға, сотовай палғалыс салоннарына, ветеринарнай имнерні, мал-хусха ниме-ноолар, хозтоварлар, гигиенаа кирек ниме-ноолар паза чуртасха иң кирек нимелерні сатчатхан орыннарға теелбинче. Дистанционнай оңдайнаң апарылчатхан садығ ідӧк чарадылча.
28 марттаң 1 июньға теере саналығ чылҷаң трассаларның паза кӧп чон тынанҷаң объекттернің тоғызы, ідӧк кізілерні санаторийлерзер паза курорттарзар кирері тохтадылча.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде