Черебеев Трофим Владимирович
04.05.2020
Хабарлар
Тӧреен-ӧскен чирi - Асхыс аймаандағы Таштып пилтiрi аал.
1938 чылда Асхыстағы РВК-даң Хызыл Армияа хығыртылған.
1941 чылда чааға апарғаннар. Илбек ада чаа тузында 309 Пирятин дивизиязының 957 атығҷы полкының разведчигi полған. Пастағы Украина фронтында чааласхан.
Махачы чааласхан ӱчӱн Хызыл чылтыс орденнең, «За отвагу», «За победу над Германией» медальларнаң паза пасха сыйыхтарнаң таныхтатхан.
1943 чылда Днепр суғны алып, ол чирлернi немецтердең позытхан ӱчӱн 47 чааҷы Совет Союзының Матыры ат алған. Трофим Черебеевке андада Хызыл чылтыс орденнi читтiргеннер. Аннаңар архив пiчiктерiнде пазылча:
«24.09.1943 чылда хараазын Т.В.Черебеев пастағыларның санында полған. Полктың разведка взводында полып, дивизия штабынзар искiрiглернi паза батальонзар чахығларны читтiр турған. Толдырчатхан тоғызына туртухпин паза нандырығлығ хайчатханы сылтаанда пасхазына чахсы кӧзiдiм полған. Днепр суғның оң сариндағы чаалазығларда пирiлген чахығларны тузында толдырған».
1944 чылда Трофим Черебеев, Польша чирiн ыырҷыдаң позыдып, Висла суғны алып, «За отвагу» медальны алған. Архив пiчиинде пазылча: «1944 чылда 30 июльда полктың чаалазығ операцияларын хап-орта, посха айабин толдырып, штаб паза дивизия палғалызын аттығ разведкада ӱзiгi чох апарған ӱчӱн «За отвагу» медаль пирiлген».
«Аттығ разведкада чааны ирттiп, Трофим ағамның алтында 18 ат аттыртып, ӧлген. Олар аның тынын ал халғаннар тiп чоохтан салҷаң ол, чаадаң ибзер айланғанда...» - чоохтапча пархазы Елена Сагатаева.
Трофим Владимирович Черебеев 1946 чылда май айда тӧреен чир-суунзар айланған. 1983 чылда ах чарыхтаң парыбысхан. Че хазых полғанда, чонға паза ӧсчеткен тӧлге чаадаңар кӧп ниме чоохтаҷаң...
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы