Хакас Республиканың
онлайн газетазы

ХАТЫҒЛАСТАР КИРӀЛЧЕ!

10.11.2020
Хабарлар
Пӱӱн Хакасия правительствозындағы коронавирус тарапчатханынаң тоғыр кӱрезерiнӌе штабтың теестегi нимес чыылии ирткен. Ол республикада коронавирусты хаптырып алғаннарның саны кӱннең хозылып, сидiксiнiске айланчатханнаңар иртiрiлген. Роспотребнадзорның чахии хоостыра Хакасия правительствозы чарадығ алыбысхан. 11 ноябрьдаң сығара Ағбандағы, Харатастағы, Саяногорсктағы паза Ағбан пилтiрiндегi школаларның 5-11 класстар ӱгренӌiлерi дистанционнай ӱгредiге кiрерлер.12 ноябрьдаң сығара Ағбандағы, Харатастағы, Саяногорсктағы паза Ағбан пилтiрiндегi ортымах профессиональнай ӱгредiг учреждениелерi дистанционнай оңдайнаң ӱгрен сығарлар. Хакасияның ВУЗ-тарына iдöк ырахтаң ӱгренерге пастирға чöп пирiлче. Амды чазы читкелек палаларға iӌе-пабалары чох ибдең сығарға чарадылбинча, че ол  дистанционнай ӱгредiге кiрбеен  палаларға теелбинче.


Автор : Наталья Тюкпеева.
←
  
  
→
Пн Вт Ср Чт Пт Сб Вс
26 27 28 29 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Кӱн таңмазы
Хакасияда
Россияда
Тилекейде
Кӱн сомы