Хакас Республиканың
онлайн газетазы

Хакас тiлi тилiзiне хозым итчеткеннерге - ахчалығ сыйых

11.11.2020
Хабарлар
Пӱӱл "Благодарение" полызығлығ фонд республикадағы хакас тiлi ӱгретчiлер аразында марығ иртiрген. Ööн пöгiн - олар пос тiлi тилiзiне уламох кöп хозым итсiннер. Анда прай 22 кiзi араласхан. Оларның аразында хакас тiлiнӌе ӱгредiг программаларын, учебниктер паза ӱгредiг пособиелерiн тимнепчеткен ученайлар полғаннарох.

Чиңiсчiлер полыбысханнар: Ағбан городтағы "Кристаллик" олған садының воспитательi Светлана Ахпашева, Асхыс аймаандағы Индiркi Тöö аалдағы хакас тiлi ӱгретчiзi Домна Боргоякова, Шира аалдағы "Теремок" олған садының воспитательi Елена Кокова, Пии аймаандағы Хызыл хара суғ аалдағы хакас тiлi ӱгретчiзi Ольга Сагалакова, Асхыс аймаандағы Пилтiр аалдағы 2-ӌi школаның хакас тiлi ӱгретчiзi Лариса Чебодаева, Хакасиядағы ӱгредiг тилiзi паза квалификациялар кöдiрӌең институттың хакас тiлiн апарарынӌа методика кiнiнiң устағӌызы Надежда Толмачева.

Оларға прайзына сыйыхха кöрiл парған ахча 150 муң салковайға тиңнелче. Хакасияның ӱгредiг паза наука министерствозының искiриинең, ӱгретчiлерге сыйыхтар хайди даа читiрiлер, чуғынӌах ағырығ тариры тохтадылза.

Автор : АЛЕКСАНДРА Карамчакова
←
  
  
→
Пн Вт Ср Чт Пт Сб Вс
27 28 29 30 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Кӱн таңмазы
Хакасияда
Россияда
Тилекейде
Кӱн сомы