Сенатор регионға полызығ сурча!
11.11.2020
Хабарлар
*********************************************************************************************
Россияның сенаторы, Хакасия правительствозынаң Россияның Федерация Чöбiнiң кiзiзi Валерий Усатюк Россияның хазых хайраллаӌаң министрi Михаил Мурашкоға айланыс тимнеп ызыбысхан. Ол, республикада коронавирус ағырығ тарап, ағырчатханнарның саны сентябрь айның танығларын хайыға алза, 4 хатап öс парғаннаңар искiрген. Iдöк ол регионның устағ-пастаа хайдағ тоғыстар апарчатханнаңар паза Хакасияа ковиднең ағырчатханнарны имнирге имнер киректелчеткеннеңер искiрген. Поставщиктер 16 таныхтаан имнердең 7 ле им пир поларлар. Пасха имнер оларның чоғыл. Республиканың имнег тураларына ИВЛ аппараттар киректелчелер. Хазых хайраллаӌаң министерство аппараттар аларға чöптезiг ит салған, че поставщиктернiң складтарында аппараттар чоғыл, аннаңар чöптезiг хоостыра олар ағыл полбинчалар. Имӌiлернiң 30%-i ағырчатханнаңар, имнег тураларында имӌiлер чидiспинчелер. Уламох анестезиолог-реаниматологтар киректелчелер. Хакасияда наа чуғынӌах ағырығнаң ағырчатханнарны имнирге табырах пӱдiрiлчеткен модульнай чуғынӌах ағырығлар госпитальы киректелче. Валерий Петрович федеральнай министерствоны регионда госпиталь пӱдiрердеңер паза республиказар 12 анестезиолог-реаниматологты ызардаңар сурыныснаң айланған.
***********************************************************************************************
Автор :
Тимнеен НАТАЛЬЯ Тюкпеева
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде