Пастағы экспресс- тесттер ағылылған
15.11.2020
Хабарлар
Иртен, 15 ноябрьда, Хакасияның оперштабының пресс-секретарьы Наталья Чудина коронавируснаң кӱрiзер оңдайлардаңар чоохтап пирген, хайзы республикада пу кӱннерде алылчалар.
Пӱӱн Хакасиязар COVID-19 ағырығны iлезiне сығарӌаң 1050 экспресс-тест ағылылған. Оларның 350-iн Ағбандағы табырах полызығ пирӌең станциязы алар.
Пӱӱн ибде имненчеткеннерге имнер хаӌан килерiнеңер пiлдiстiг полар. Ол имнер хайдар тарадарынӌа план тимнелче.
Позырахта Россия Федерациязының хазых хайраллаӌаң министерствозының алты специализi имнег тоғынӌыларына коронавирус чуғынӌах ағырығдаң имнирiнӌе ӱгредiг иртiрерге пастабысханнар.
Россия президентiнiң федеральнай округтағы полномочиелiг кiзiзi Сергей Меняйло штаб чыылиин иртiрiбiскен. Ол Хакасиязар хазых хайраллаӌаң системазының тоғызын чахсыландырыбызар паза республика ӱлгӱлерiнең хада COVID-19 тарапчатханын синдiрерiнӌе оңдайлар тимнебiзерге 11 ноябрьда килген. Россия президентiнiң полномочиелiг кiзiзi Росздравнадзорға паза Тиксi Россияның чон фрондының региондағы пöлиине Харатастағы табырах полызығ пирӌең станцияны хайығда тударға чахаан.
Хакасияның хазых хайраллаӌаң министерствозына паза муниципальнай пӱдiстерге табырах полызығ службаларының тоғыстарын сыныхтап чахсыландырарынӌа 19.00 часха теере чöптер тимнебiзерге чахаан.
19.00 часха теере муниципалитет пастары, ағырыбысхан кiзiлернi алчатхан, талластырчатхан организацияларынаң чöптезiп, имнег тураларынзар маршрут тимнебiзерге киректер.
Коронавирус ағырығны тарадарын тохтадарынӌа Сергей Меняйлоның устанызынаң пазағы штаб чыылии 15 ноябрьда 19.00 часта иртер.
Автор :
Наталья Тюкпеева.
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде