Госпиталь толдыразынаң тоғынча
21.11.2020
Хабарлар
***********************************
Хакасия пазы Валентин Коновалов пӱӱн Харатастағы чааӌы мобильнай госпитальынзар чöрген. Ööн чаа округының госпитальы А.И.Лебедьтiң адынаң хазых пиктеӌең кiнде орныхча. Хакасия пазы госпиталь пастығы Дмитрий Перминовнаң хада пастап ПЦР-диагностика иртiрӌең лабораторияның тоғызынаң танызып алған. Лаборатория чааӌы машиназы iстiнде орныхча. Лаборатория устағӌызы Виталий Пануриннiң искiриинең, олар амды госпитальзар читiре имненерге чатырылғаннарның анализтерiн сыныхтирынаң пасха Харатас чуртағӌыларынаң алылған анализтерiн сыныхтапчалар. Лаборатория соонаң Валентин Коновалов, арачыланӌаң костюм кизiп, госпиталь iстiнзер кiрген. Анда ковиднең ағырчатханнар чатчатхан сылтаанда хабарӌыларны андар кирбееннер. Че госпитальдаң сыххан соонаң Валентин Коновалов паза Дмитрий Перминов хабарӌыларнаң чоох алызып алғаннар. Хакасия пазы госпитальның тоғызын чахсы паалаан паза Россияның арачыланыс министерствозына мындағ хабазығ ӱчӱн улуғ алғызын читiрген. Дмитрий Перминовтың чооғынаң, амғы туста госпитальда 69 ағырығ кiзi чатча, 11 кiзi, чазылып, ибзер позыдылтыр. Тиксi, тiзең, госпитальда 100 ағырығ кiзее чатчаң орын пар.
***********************************
Автор :
Альберт Толмашов
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы