Хакас чонның ырӌызы Клара Сунчугашеванаң анымӌохтасчабыс
25.11.2020
Хабарлар
****************************************************************
Хакасияның чон артизi, Тува АССР-ның саблығ артизi, РСФСР культуразының саблығ тоғынӌызы, Н.Ф.Катановтың сыйиина турысхан кiзi Клара Сунчугашева 24 ноябрьда 2020 чылда ах чарыхтаң парыбысты.
Клара Ефимовнаа чайааннар сiлiг, пасхазына тööй нимес хайхастығ ӱн пиргеннер. Хакас кöрiгӌiлерiн аның лирическай сопранозы пастағызынаңох аптап алған.
Клара Сунчугашева 1941 чылда 15 октябрьда Чоғархы Асхыс аалда тöреен. Ол позының сiлiг ӱнiнең школадох саблан сыххан.
Хызылчардағы музыка училищезi соонаң "Кӱн чахайағы" ырлар паза теелбектер ансамбльының солизi полған. Тиксi пу öмеде 20 артиинаң чыл iстенген. Н.А.Римский-Корсаковтың адынаң Ленинградтағы консерваторияда ӱгренген.
Клара Ефимовнаның паза Владимир Чаптыковтың дуэдi парчан чирде сабланған.
В.Г.Чаптыковтың адынаң хакас филармониязында кöп чыл iстенген. 30-ча чыл Ағбандағы музыка училищезiнде чииттернi ӱгреткен.
Таныхтирға кирек, ол уғаа кибiрлiг кiзi полған. Клара Сунчугашева тöреен чирi Хакасия ӱчӱн тың чӱрексеен. Хуртуйах тасты музейдең сығарып, орнынзар, Асхыс аймаанзар кöзiрер ӱчӱн улуғ тоғыс апарған.
Хакасияның хынған чон артизi ах чарыхтаң парыбысханы прайзына улуғ чiдiрiг паза хомзыныс.
Хумартхылас
Анымӌохтаспин, Сiрер парчазар,
Чағын, саблығ кiзiлер.
Чӱректер ле сыстап халчалар,
Айланып ирткенiнзер...
Ағын даа хустар чiли,
Айланарға молӌабааннар,
Чирiбiс ибiрiп,
Ах чарыхтарға айланғаннар,
Анымӌохтар!" - чоохтанып...
****************************************************************
Автор :
Елена Сагатаева
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде