ОПЕРШТАБ: ағырығдаң тоғыр кӱрезерiне прай кӱс салылча
28.11.2020
Хабарлар
Пӱӱн, 28 ноябрьда, Хакас правительствозында чуғынӌах ағырығ тарапчатханынаң тоғыр кӱрезерiнӌе оперативнай штабтың теестегi чыылии ирткен. Пастап Хакасия пазының орынӌызы Юрий Курлаев халғанӌы суткада республикада нинӌе кiзi ағырыбысханынаңар искiрген:
- Ирткен суткада коронавирус чуғынӌах ағырығны 181 кiзi хаптырып алған. Коронавирусха тест 2741чуртағӌы иртiбiскен, 282 кiзi хазыхтанып алған, 8509 чуртағӌы тиксi чазылып алған. Имнег туразынзар 37 чуртағӌы чатырылған. Имнег тураларында ковиднең ағырчатханнарға 1230 орған кöрiл парған. Оларның 667-зi кислород пирчеткен оборудованиелiглер. 2262 кiзi амбулаторно имненче. 233 чуртағӌаа тикке имнер пирiлче.
Ағбан, Харатас, Саяногорск городтардағы имнег тураларының ööн имӌiлерi ирт парған суткада хайдағ тоғыстар идiл парғаннаңар чоох тутханнар. Хакасия пазы Валентин Коновалов Харатастағы табырах имнег полызии пирчеткен службазында имӌiлер чидiспинчеткенiнеңер сурығны кöдiрген. Ол сурығ 30 ноябрьда пöгiл парар тiп таныхтаан Хакасияның хазых хайраллаӌаң министрiнiң тоғызын толдырчатхан Александр Стреленко. Аның чооғынаң, понедельниктең Харатастағы табырах имнег полызии пирчеткен службада Таштыптаң, Хубачардаң, Асхыстаң, Ағбан пилтiрiнең пiрер фельдшер тоғынар.
Iдöк чыылығда тӱрчедең Ағбан пилтiрiнде имненӌең наа орыннар азылар тiп таныхталған. Пӱӱнгi кӱнде андағы имнег туразында тыхтағ тоғыстары тоозыл партыр. Амды аны Роспотребнадзор сыныхтапча осхас.
Автор :
Ольга Томочакова
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы