Ковидтең вакцина чидер
04.12.2020
Хабарлар
Пӱӱн Хакасия правительствозындағы коронавирус чуғынӌах ағырығ тарапчатханынаң тоғыр кӱрезерiнӌе оперативнай штабтың теестегi чыылии ирткен. Хакасия пазының орынӌызы Юрий Курлаев республикада нинӌе кiзi ағырыбысханнаңар искiрген:
- COVID-19 чуғынӌах ағырығнаң 181 кiзi ағырыбысхан. Коронавирусха тиксi 1662 чуртағӌы тест иртiбiскен, 158 кiзi хазыхтанып алған. Тиксi республикада 9287 кiзi хазыхтанып алған. Пандемия пасталғаннаң наа чуғынӌах ағырығны 12789 чуртағӌы хаптырған.
Iдöк штаб чыылиинда имнег учреждениелерiнiң устағ-пастаа апарылчатхан тоғыстаңар салтарлар иткеннер. Таныхтирға кирек, ағырығны хаптырчатханнар ам даа кöп, че имнег учреждениелерiнде имнег полызии прайзына тузында паза толдыра пирiлче.
Хакасияда кискектең 48,1% ле чуртағӌы вакцинация иртiбiскен. Аннаңар чуртағӌыларға прививка турғызар хоза пункттарын азарға паза прививка турғысчаң бригадалар тöстирге пöгiнчелер. Пу чағында республиказар коронавирустаң тоғыр вакцина килер. Кöрiлген 422 вакцинаның орнына 700 доза чидер. Олар иң пастағызын имнег тоғынӌыларына турғызылар. Килчеткен чыл пасталза, 36 муң кiзее вакцина килерi кöрiлче. Оларны республика чуртағӌылары пос кöңнiнең турғыстырарлар.
Автор :
Наталья Тюкпеева
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде