Табырах паза сах андох имнег полызии пирӌең службаларның тоғыстары тузында пирiлче
05.12.2020
Хабарлар
Пӱӱн Хакасия правительствозында коронавирус чуғынӌах ағырығ тарапчатханынаң тоғыр кӱрезерiнӌе теестегi штаб чыылии ирткен.
Хакасияның хазых хайраллаӌаң министерствозы искiриинең, республикада табырах имнег полызии пирӌең службаның паза сах андох имнег полызии пирӌең имӌiлернiң бригадаларын тыыдыбысханда, имӌiлер хығыртығларӌа тоғынарға маңнанчалар. Амды Ағбанда 18 бригада хығыртығларға чöрче, Харатаста - 6, Саяногорскта - 5. Пiр бригадаа ортымахти 11-12 хығыртығ килiсче, пiр дее хығыртығ хайығ чох халбинча.
Республикада пос кöңнiлiг ресурс кiнi регионнаң устапчатхан федеральнай кiнiнең чöптезiг итче, аның соонаң волонтерлар чуртағӌыларның айланыстарынаң тоғынарлар. Олар постарының кöстеглерi хоостыра айланғаннарнаң тоғынарлар. Кöзiдiмге, ибде имненчеткеннерге киректелчеткен имнер ағыларлар.
Ирткен суткада COVID-19 ағырығдаң 247 кiзi хазыхтанып алған. Тиксi республикада 9534 кiзi имненiп алған. Халғанӌы пiр сутка аразына коронавирус чуғынӌах ағырығнаң 182 кiзi ағырыбысхан. Пандемия пасталғаннаң ковиднең ағырыбысханнарның саны 12971 чит парған. Тиксi республикада 116 кiзi коронавирустаң ӱреен. 183 кiзiнiң пу чуғынӌах ағырығ аар иртче, ИВЛ-да 24 кiзi.
Автор :
Наталья Тюкпеева.
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы