"Подольские курсанты" ööн сыйыхха турысхан
08.12.2020
Хабарлар
Илбек Новгородта "Вече" тiп тархын фильмнерiнiң тиксi хазна синiндегi 14-ӌi фестивальы ирт парған. Аның ööн сыйиин Вадим Шмелевтың "Подольские курсанты" кинолентазы алып алған.
Ол - 1941 чылда кӱскӱзiн Москваны ыырӌыдаң арачылапчатхан туста махачы тудынған курсанттардаңар хоос фильм. Аны Медыньда öнетiн пӱдiрiлген "Военфильм" кинокомплексте суурғаннар. Матырларның кöбiзi сынында чааласхан чииттернiң аттарын ал чöрче. Рецензенттернiң таниинаң, "Подольские курсанты" фильмде полған на актер позының рольын турыстыра толдырча. Фильмнi кöрерге най аар. Ол сын чаада араласхан, анда öл халған 18-19 частығлардаңар нооза.
"Вече" фестиваль Россияның культура министерствозы, чаа-тархын паза даа пасха пiрiгiстер хабазиинаң иртiрiлче. Пӱӱл аның жюри кнезi РСФСР-ның чон артизi Александр Михайлов полған. Эксперттер хайиина пис муңа чағын кiзi кöрген сигiс фильм сығарылған.
Автор :
Тимнеен Александра Карамчакова
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде