Имӌiлерге тöлеглер
11.12.2020
Хабарлар
Пӱӱн Хакасия правительствозындағы коронавирус чуғынӌах ағырығ тарапчатханынаң тоғыр кӱрезерiнӌе оперативнай штабтың теестегi чыылии ирткен. Халғанӌы танығлар хоостыра республикада коронавирус чуғынӌах ағырығнаң 180 кiзi ағырыбысхан. Пандемия пасталғаннаң ковиднең ағырчатханнарның саны 14053 чит парған. Тиксi республикада коронавирусха 1731 чуртағӌы тест иртiбiскен, хазыхтанып алған 222 кiзi. Имӌiлернiң хайиинда 3762 пациент (188 кiзiнiң пу чуғынӌах ағырығ аар иртче, ИВЛ-да - 38 кiзi).
Республикада ибде COVID-19-таң имненчеткеннерге тиксi 4000 азыра имнер комплектi читiрiлген.
Хакасия пазы Валентин Коноваловтың чахиинаң республиканың iстенiс паза социальнай арачыланыс министерствозы профильлiг министерстволарынаң хада, ыраххы аалларзар вакцинаны читiрiп, турғызар оңдайлар пöк салғаннар.
Iдöк оперативнай штаб чыылиинда искiргеннер, имӌiлерге тöлеглер пирерiне ахча читкен. Тöлег килчеткен неделяда имӌiлернiң счеттарына кiрер. Коронавируснаң ағырчатханнарнаң тоғынчатхан имӌiлерге кöрiлген хоза ахча чыл тоозылғанӌа толдыразынаң пирiл парар.
Роспотребнадзор тоғынӌыларының таниинаң, кискектең вакцинациязын пiр неделя аразына турғыстырыбызарға киректелче. Аннаң андар турғыстырарға орай полыбызар. Январьның пастағы кӱннерiне теере вакцина кiзi идi- ханында иммунитет тыыдарға маңнанарға кирек.
Хакасия ӱс регионнарның санына кiрче, хайда килчеткен чыл пасталза, COVID-19-таң тоғыр вакцина позыдылар ол син, нинӌе республикада хайраллаӌаң орын табылар. Амғы туста вакцинаны хайраллаӌаң сурығ пöгiлче.
Автор :
Наталья Тюкпеева
Пн | Вт | Ср | Чт | Пт | Сб | Вс |
26 | 27 | 28 | 29 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде