Таңда – правительство чыылии
14.12.2020
Хабарлар
Хакасия пазы Валентин Коноваловтың устаанынаң республика правительствозының теестегi чыылии таңда, улуғ хырлас айының 15-ҷi кӱнiнде, иртер. Пресс-служба искiриинең, кӱн суриина нинҷе-де ӧӧн сурығ сығарылған.
Хакасияның iстенiс паза социальнай арачыланыс министрi Ирина Ахметова региондағы социальнай арачыланыс учреждениелерiнiң пӱдiзiндегi алызығлардаңар искiрер.
Республиканың энергетиказының паза тариф турғызарының хазна комитедiнiң кнезi Манук Данданян 2021 чылға техосмотр иртерiне иң пӧзiк паа турғызарынаңар паза город хыриндағы тимiр чол транспортынаң чӧрiске тарифты чарадарынаңар чоохтир.
Ӏдӧк правительство чыылиина 2020 чылда республикада Хакас тiлi чылына иртiрiлген мероприятиелердеңер искiрiг тимнелче. Аннаң пасха министрлерге пӱӱл «Аалларның тиксi тилiзi» программаның паза «Саннығ экономика» нацпроектче «Искiрiглiг инфраструктура» федеральнай проекттiң чуртасха кирiлген салтарлары искiрiлер.
Чуртағҷыларға чыылығны https://www.youtube.com/ каналда паза РТС-тың социальнай сетьтерiнде, iдӧк Валентин Коноваловтың социальнай сетьтердегi официальнай аккаунттарында кӧрерге чарир.
Чыылығ 10.00 часта пасталар.
Автор :
Наталья Субракова
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы