Кирiлген оңдайларға пiреезi чöпсiнминче
16.12.2020
Хабарлар
Пӱӱн Хакасия пазы Валентин Коновалов коронавирус чуғынӌах ағырығ тарапчатханынаң тоғыр кӱрезерiнӌе теестегi штаб чыылиин иртiрген.
Ирткен кӱнде республикада 181 кiзi наа ағырығны чухтырап алған. Коронавирусты iлезiне сығарар хоостыра 1744 тест иртiрiлген. 247 кiзi имненiп алған, тиксi - 11716 кiзi. Тöрт кiзi ӱреен, прай - 143 кiзi. Имнег тураларында 1074 кiзее полызығ пирiлче, 43 кiзi ИВЛ-да. Танығлар хоостыра, имнег тураларында полызығ алчатханнарның саны хызырылча.
Таңда алай пазағы кӱнде республиказар имнер читiрiлер. Федеральнай бюджеттең 11103000 салковай пирiлген, аның чамдығы имнер аларына позыдылар.
Тиксi республикада табырах имнег полызии бригадалар саны читкiӌе, олар орыннарзар кöрiлген тусха чидiп алчалар. Пу чағында Ағбанда хай пiрее бригадаларның имӌiлерi ағырған соонаң тоғысха сығарлар.
Амғы туста ибдең сығарға чарадылбинчатхан чуртағӌыларға ас-тамах читiрерiнӌе идiнӌектернең пiрге сурығ пöгiлче.
Мобильнай öмелер халых чон азыранчатхан орыннарны, маршрутча чöрчеткен транспортты сыныхтапча. Чуртағӌылар андағ оңдайларға тоғырланминчалар. Че киӌее транспорт паза чол хонии министерствозының специализi пiр транспорт хонии предприятиезiнiң автобузын сыныхтаанда, водитель паза кондуктор аны сығара iдiбiскеннер. Амды ол кiзi имнег полызиин алча. Пу сайбағ хоостыра сыныхтағ апарылча.
Автор :
Антон Чертыков
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы