Табат аалда - наа "Таныӌах"
22.12.2020
Хабарлар
Пiди адалча Пии аймаандағы Табат аалда тоғынып пастаан олған сады. Ол "Демография" нацпроект хоостыра тимге сығарылған. Ахча федеральнай, республика паза муниципалитет бюджеттерiнең позыдылған. Аның пӱдiриинең "Тасхыл" пiрiгiс айғасхан, устағӌызы - Олег Бурнаков.
"Таныӌах" олған садынзар пiр саңай 45 пала чöр полар. Олар iкi группаа чарылчалар, полғанының на узуӌаң паза ойнаӌаң орыны пар. Ас-тамах пызырӌаң, 1,5-6 частығ оолағас-хызыӌағастарны азыраӌаң пöлiктер андағох алғымнар паза чарыхтар.
Олған сады пӱкӱлеезiнең амғы тусха килiстiре пӱдiрiлiк. Кирек мебель прай алыл парған, тура iстiнде iзiг суғнаң паза чылығ туалетнең тузаланарға чарир. Школаа чöргелек олғаннар учреждениезiн чылытчаң котельнай тöремiл одынылча.
Табат аал чуртағӌылары чидiкпин сахтаан олған садын Хакасия пазы Валентин Коновалов, Пии аймааның пазы Иннокентий Стряпков, Табат аал чöбiнiң пазы Владимир Третьяков паза наа олған садынзар чöрiп пастаан палаларның пiрсi Сережа Волков пайрамни асханнар. Пу танығлығ киректеңер толдыразынаң "Хакас чирi" газетаның 25 декабрьдағы сығарызында хығырып аларға чарир.
Автор :
Александра Карамчакова
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы