Саннар пазох öсче
15.01.2021
Хабарлар
Коронавирус ағырығны тохтадар пöгiннең ӱлгӱдегiлер паза имӌiлер пазох штаб чыылиин иртiрдiлер.
15 январьға Хакасияда Covid-19 ағырығдаң 155 кiзi чазыл парған. Тиксi хазыхтанып алғаннарның саны - 16852 кiзi. Хомзынысха, 116 кiзi наа ағырыға хаптырды: Ағбанда - 47 кiзi, Харатаста - 20, Ағбан пилтiрi аймаанда - 14, Саяногорскта - 9, Орджоникидзе аймаанда - 8, Таштып аймаанда - 4, Асхыс аймаанда - iдöк 4 кiзi, Абазада паза Алтай аймаанда - ӱзер кiзi, Пии аймаанда - 2, Боград паза Шира аймахтарда - пiрер кiзi. Аар ағырча 84 кiзi, ИВЛ аппаратта - 10 кiзi. Коронавирус наа ла тарааннаң сығара пӱӱнгi кӱнге теере Хакасияда 19047 кiзi пу чабал ағырыға хаптырған.
Таныхтирға кирек, Хакасияда iкiнӌi неделя коронавирустаң тоғыр прививка турғызылча. Пӱӱнгi кӱнге тиксi 970 кiзi вакцинация иртiбiскен. Covid-19 ағырығдаң тоғыр прививка турғыстырарға сағынчатхан кiзее азынада пазын саларға кирек.
Городтарда прививка турғысчаң хоза кабинеттер азылчалар. Вакцинация иртерге чарадығ пирчеткен терапевттернiң саны хозылча. Пазағы неделяда вакцинаны ыраххы аалларзар апарӌаң хоза оборудование республиказар чидер.
Автор :
Татьяна Тютюбеева
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы