Мылтых ӱлӱкӱнiне имӌiлернiң чöптерi
16.01.2021
Хабарлар
Чуртағӌыларның хазиин хайығда тутчатхан специалисттер пӱӱл Мылтых ӱлӱкӱнiнде соох суғзар кiрбеске чöп пирчелер. Анзы пазох пандемиянаң палғалыстығ.
Тилтiде полған на кiзее чайынарға чарабас тiпчелер имӌiлер. Соох суға кiргенi сынап таа кiзi хазиин тыытча, че паза тузазы аның чоғыл. Аннаңар хазых таа кiзiлерге специалисттернiң мындағ чöптерiне тудынарға кирек:
- тилтiзер кiрер алнында ағырин-кööлӌе чалаастанарға. Пурнада киптi суурарға, анаң маймахтарны, соонаң пасха кип-азахты. Чалаастаныбысхан соонаң нинӌе-де минута ла пазынаң суғзар кiрерге кирек. Андада кiзiнiң идi-ханы соохха тимнен салча;
- пустығ суғда пiр-iкi минутадаң артых поларға чарабас;
- "часка" гормоннары (эндорфиннер) кiзее öрiнiс пирчелер, аннаңар тилтiдең наа ла сыххан кiзiнiң кöңнi кöдiре полча. Че ол ӱрге нимес. Соох суғда сала илееде полыбысса, кiзi тыморыбызарға айабас;
- тилтiдең сыхса, табыраанӌа чызынӌахнаң чызынарға паза тонаныбызарға кирек. Хайди даа пасха пöрiк кизерге алай плат тартынарға. Чылығ турада iзiг чей алай кiзi хазиин пиктеӌең им от iзерге. Iдöк имӌiлернiң чöптерi хоостыра, соох суға кiрер алнында кiзее хан кöдiрiлiзiн сыныхтап аларға кирек.
Чӱректерi, öкпелерi, пӱгӱректерi ағырығ кiзiлерге, хан кöдiрiлiзiнең, талғахнаң, чуғынӌах ағырығнаң алай сахар диабедiнең ирееленчеткен кiзiлерге Мылтых ӱлӱкӱнiнде соох суға кiрерге чарабас.
Имӌiлер паза абыстар тилтiзер изiрiк кiзiлерге кiрерге чаратпинохчалар.
Автор :
Хакасияның хазых хайраллаӌаң министерствозының пресс-службазы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы